قصيدة السرعة والسير للشاعر الميلود بوصلعة

نقدم للاخوة الكرام قصيدة اخرى من قصائد شاعر بني كيل الميلود بوصلعة .
    وعنوان هذه القصيدة.
                             السرعة والسير

يا سامع ليا نكولك  في ذالمنشور****  وسمع لييا امليح حضرلي بالك

في كل  العالم  عمت ذالعبور **** من حوادث السير راها متشابك

ضاعت الألاف لميا  و العشور **** والسرعة هي  اسباب  لمهالك

وسمعلي نوصيك لاتفقد شعور****  حضر عقلك راك تنجو من حالك

احترم السير يا اخي شيفور **** اعدل  بالقانون  اللي  نعطا  لك

خفف السرعة انقص لكسيراتور**** ما تلقى  افات  غير  احوالك

ما تهلك الغير ما تبقا مضرور **** وطريق السلام  راها  قدامك

احترم السير لاتمشي مغرور **** ويلا سقت  امليح  ما يندم  رايك

تنجى من لقدار حراب الخمور **** و كثر الافات  قلة انعاسك

هاد الحوادث امعاها المخسور**** وضيع اناس  تقصي  حياتك

من دالحوادث عمرت القبور **** واحد مهلوك  او  لاخر  بارك

فكر فلي راه امعوق مكسور **** ونصيحة ديرها تبقى  سالك

اهل لعقل ايفكرو فيد الامور**** يا سايق لحديد  فكر  لولادك

يبقاو ايتامى ويطفا ذاك النور **** ما يلقاو احنين في دنيا غيرك

ضاع المستقبل و تهدم الصور**** والصور الي امزربينه بشبابك

او احد شرير اواحد  مهجور **** لام الي قصات فمواج افلايك

احترم السير يا اخي شيفور **** خدم القانون حضر لو بالك

لاتسرع بزاف راقب الكونتور ****احزام السلامة امزير كوسانك

ممنوع السرعة فطريق المرور**** و حترم الناس تنجى من حااك

ممنوع الهاتف مع ليكوتور**** والمسجالة  تكثر  اشطانك

عندك الانزيلاق فالفيراج ادور**** وكراطي الفتاس لا يعصالك

وزن العجلات راقب السوكور**** خط لبيض داك هو ميزانك

وتراقب الزيت اديال الموتور **** وكود مع الفار راقب افرانك

وتراقب لبلان الماء  و ردياتور**** مايطلع اسخونة يحمى موحرك

دير الكيليبراج مع المرتيسور **** ولبار لازم تبقى  ترسالك

ماتهرب  ما ديرلك  ديميتو ر****  تعرف سوكوس باين احسابك

عدل سويكلاصها وطريفيزور **** عندك رادار وقرى حذرك

وحترم الامن بالحسن وشكور**** وقف ف البراج ريجال الدرك

ونصيحة ديرها تبقى  مستور**** لكلامي تصحيح دير من  جالك

إيلا وراقيك في جيابك ومصرور**** ودير القانون يطلع لك شانك

ليبرمي توريست و لا لبوالور ****هادو محسوبين وحفض لبلايك

احفض ياربي من هاد المقدور**** ياعز  وجل  تحفض  عيبادك

ناظم  ذالقصة يا هاد الحضور **** و اسمي نوريه ما هو يخفالك

حرف باء وصاد فالكنية مذكور**** واللاسم بلميم دل  ابلا  شك

عنوان القصيدة -السرعة والسير

من نظم- بوصلعة الميلود
تقديم -عبد الله بحوصي

صورة للشاعرنا المقتدر
الميلود بوصلعة