البنت عزها في بوها يا ناس ..الشاعر الميلود بوصلعة

بسم الله والصلاة والسلام على رسول الله.
اليكم احبتي الكرام قصيدة من قصائد الشاعر الميلود بوصلعة.
بعنوان البنت عوها في بوها يا ناس
هذه القصيدة هدية الى كل يتيم ويتيمة ..الى كل من فقد حنان الوالدة الحنونة او الوالد او كلاهما.
هدية الى كل كافل يتيم .

- عن أبي هريرة - رضي الله عنه - قال: قال رسول الله - صلى الله عليه وسلم -: ((كافل اليتيم له أو لغيره، أنا وهو كهاتين في الجنة))، وأشار مالكٌ بالسبَّابة والوسطى؛ رواه مسلم.


البنت عزها في بوها يا ناس ****  من غيرو ما عندها حنان

ويلا   خطاها  تقطع  لياس  ****  ودير تكلها فالله الرحمان

هي كي العمامة من فوق الراس  ****  الهمة عندها ويطلع الشان

     البنت عوها في بوها   ****  هي  عزها   متاثر
     واللي قالتلو  يشريها  ****   واخا من بعيد  يدبر
     و بحنانها     يبغيها   ****  راه لي بغاتو يحضر
     ومن  غير  واليديها  ****   مكان من عليها  فكر

والواليدين ما عندهم خلاص  ****   عزهم  البصر  من لعيان

وحشهم  امضى من   لماس ****    وجراحهم تتحرك في لكنان

من غير بوها ما كان  بلاص ****  ويعزها  بحرير    وكتان

يشريلها   من  لبس  االتقياس *****  يرضى حالها ما تبقى تنهان

كل   يوم   اتبدل       لباس ***** وامخنتة   والقلب   فرحان

            و   مخنتة   بباباها  **** تلبس كل  نوع امعبر
            وتشري لي يرضاها  **** تلبس قرفطان امشهر
            ولي ها عندهاش باها **** شوفو  حالها  مدمدر
             ماهي فحالها ونزاها *****راها فالزمان   تعافر

شوف  ليتيمة  ماهي  لاباس  ***** ورق يبسه بانت في لغصان

وتكوي لقلوب تذوب برصاص  *****والهم  بيها طالت    لحزان

يهمها  و   تحس    بالاحساس  **** ولي زهات  عليها  ما بان

ليتيم   حالو   مهدوم    لساس   **** اباه  وامه  هوما   البنيان

           بنيان      لبيبانو ****هوما صورهم عالي
           ومتين في حيطانو ***مصنوع برخام لغالي
           وبجودهم   يحنانو****راه لي خطاوه خالي
           ويذبال من قرانو **** راه يحس  يا دلالي

الوالدين  المثلهم     عساس  **** ولي خطاوه زهرو   يشيان

ليتيم  ما  يطيب   له  نعاس   *****ويلا انعس ما باقي شبعان

اتهلاو  في    ليتيمة    ياناس   *****واللي  يتهلا  عندو  ليمان

بدموعها    تعمر      لكاس  *****والقلب   طايب  في  النيران

من     بوها  زاد  الوسواس  ******خلوها  تفاجي  من  لغبان

   ليتيم كل   يشوف  بعينو   *****يبكي ذاك قلة   والي
  ولحنان     فيه    ايحنو   ****  ويقول كاينين الرجالي
  اهل الخير    راهم  بانو ****    راه اخلاصهم  فالتالي
   ربي    يعزهم   سبحانو  ***     سبحان الكريم  العالي

الوالدين     خيمة  بالكنطاس  **** وجميع من رضاوه وجهو يزيان

صلو على النبي محمد يا ناس ****   شفيعنا   في   يوم    الميزان

بوصلعة نظم   هاذ    الكراس  **** على  ليتيمة  جاب     الغيوان

مسلم للشيوخ وصحاب  القنباس  **** طلبة قاريين  وصحاب   القران

هاذ    الكلام  جبت  و بالتقياس  ****يا   الله     تغفر       للفنان

تمت القصيدة
من نظم الميلود بوصلعة
تقديم عبد الله بحوصي

(( هذا ما ساطرحه عن اجمل ما قيل فى البنات ))




_ كتب أحد الشعراء ولا يحضرني أسمه أبيات جميله لأبنته الغاليه قال فيها

[أحب بنيتي و وددت أني ..................... دفنت بنيتي في قاع لحد

ومابي أن تهون علي لكن ..................... مخافت أن تذوق الذل بعدي

فأن زوجتها رجلا فقيرا ..................... أراها عنده والهم عندي

وأن زوجتها رجلا غنيا ..................... فيلطم خدها ويسب جدي

دعوت الله يأخذها قريبا ..................... وان كانت أحب الناس عندي




(( منقول ))