ابيات من قصيدة ب عنوان #الفارس للشاعر لخضر نظري

حق لفارس يركب لمخو لڨدار..... ويولي يبحث دايمن غير يشالي
ڨارح وافي ما #مدنكس ما يڨصار .... ومربي ماهش عكلي شنحالي
ما يحرن وطبيعته ماهو حڨار ... ما هو دساس مكار يحالي
ماهوشي من ذوك خيل التدفار ....يخلع صنفو تڨول من عود خوالي
مايتسمى باسم يڨولو مدفار .... كي تتشواف رآه يڨعد من تالي
ما يخون من بهزتو ماهو #صمصار ....وطواله بحديد وڨيد عطالي
مولى نشطة لا عدز ماهو حبار....وزين طبيعة ما مخالط لرذالي
سح براري خاف يا شارد نوحار ... ما يعيا ما يحس بالتعب يبالي
مدرب عاقل يعجبك يلعب لدوار ....طايع ذا المربوح همة ودلالي
متحوف الحطة #وتسميرو بمسمار ....وتشوف عنڨو في السما عالي
يوم الفيشطة يفرحك ذاك لڨهڨار ....مأدب رزين همة شالف دامي
ما يحيرش راكبو كي دعار .... ويسڨم من كان جايح بوهالي
يتلبط ڨاع لمصاعب من لوعار .... ويطوي كذا شعاب ترجع بسهالي
عندو دودة تهوض تڨدي فيه النار ....يتمڨرص لاهي مشقلل بشغالي
ويتكورى عالازمة يحفر تحفار ....يتشابه ضله وخيالي
يتحشكل ذ الڨاهرة عند التغوار ... مثل سراب يلوح قيس التڨيالي
#يتحشلف خفة على ايمنى ويسار ....يتماوج ڨبلى ظهرا وشمالي
عندو ومية تڤول ذ لمربوح هدار ...لو سولتو تڨول يعرف تسوالي
يدُّك ْ فجوج شبه طير من لطيار.... تارك وكرو هاجر رايح جالي
عند النوضة يهلك زوابع غبار..... مثل رعد #عوصاف يهدج بحمالي
يزڨلف لمقاوي صايڨ بجهده لحجار .... ومدركم بمطار يهطل هوطالي
ولا برڨ رياش ،ريش فوڨ اشفار .... يبرڨ ما تصحيه يسطع عجالي
يتختل وينڨر طريقه تنڨار ...يتقيزب مسار يجري نڨالي
مثل لماء دفاڨ يتجرجب شرشار ....سايح على واد ساڨيه ومالي
ولا ڨطعة من لبحر في يومه ثار ....حاجب شمس شعاعها يطلع سالي
هبة ريح تڨول ذا يشبه تيار .... يڨطع كل وكيد من كاف وجبالي
مثل لواد غزير غارق في وروار ....ظلامو حالك ساد في نص ليالي
يبات يلاجي لمربطه حسه #نڨمار ... يشبه ڨمري عاش ما بين دوالي
في السيرة هاذ لعود كي ڨوطار ....يتسابڨ هو و ليله طوالي
يغنى ملي كاسبه بعد التشرار ... ويرجع غاني بعد كسبه #دومالي
يا شيبي من شوفته يعطيك خبار ...معاه النفحة حبيب هي تحلالي
سبحان الله ما خلق في ذ التصوار.... سبحان الله ما مفصل فصالي
ذيك لڨصة تحتها حط الدينار .... #ولخنوفة تبان للبعد تلالي

#ف?ٰٱرس?
.