قصيدة (رحل البيضا)

مرحبا بك عضوا في المنتدى.

شكرا جزيلا اخواني على هده الابيات

شكرا جزيلا على هذه القصيدة

السلام عليكم و رحمة الله و بركاته .....ناسف عن هذا الغياب و الله غي عيب عليك يا الاخ بحوصي ثاني الشعر ولا فيه العرف ولا كيفاه و لا غي غبنا صايي نسيتونا .

السلام عليكم ورحمة الله وبركاته.
اخي الهواري راكم فالقلب والله ما نسينا حد.نحبكم كلكم في الله.
اما بالنسبة للشعر .راني طبعت مؤخرا واحد الكتاب.
خاص بالشعر الشعبي.
فيه قصائد سيدي الشيخ.وسيدي عبد القادرالجيلاني.

و الله تستحق كل التشجيع و مساندتي الخاصة مضمونة لك. أما عن أخر مولودك الابداعي المرجو وضع الإشارته عته على الصفحة التالي رابطها
https://sidicheikh.yoo7.com/montada-f13/topic-t3627.htm#21104

اشكرك اخي العزيز المزيد من القصائد وشكرا

سمان صباح الخير قالها لي مفتاح لساني**مانعرف يا الحباب وينهو سيدي في لسياد
انت سلاك لي فلبحر وترد لي جاني**عمرك ماتهداني غريب يامركح القصاد
انا مشغول مع محبتك حاجة ما تلهاني**والدنيا تنده بيك قال جاد القرمامي جاد
انا مشغول مع محبتك حاجة ماتلهاني**ياك انت شيخي ودرقتي من عين الحساد
انت غانيك الاله غاني من عند الغاني**وجميع لي يلغى عليك جبته من كل بلاد
هدية الى البوشيخي127خاصة والى اهل المنتدى عامة

الف مبروك على المولود الجديد الذي سوف يكتب في كتاب حسناتك يا سي عبد الله بحوصي والله تستحق أكثر من التشجيع

بارك الله فيك يا سي عبد الهادي. وشكرا على التجشيع
والله ليست لدي فكرة عن كيفية ايصال الكتاب الى الجزائر الشقيقة
كي تكون الفائدة عامة والله وراء القصد وشكرا.

اظن ان نسخة من الكتاب بحوزة الشيخ والله اعلم

وفي فرنسا هل من أحد عنده نسخة منه

بسم الله الرحمن الرحيم والصلاة والسلام على خير المرسلين .
وقوفا عند طلب ورغبة بعض اعضاء المنتدى .وبعض محبي القصائد الصوفية من هنا وهناك زخاصة قصيدة رحل البيضا .
اقدم لكم هذه القصيدة تامة كاملة مكمولة ان شاء الله.
والقصيدة تقول

رحل البيضا لله حرمتك عندك لا تنساني***جبنا لك الصلاح وين طافوا في كل بلاد
سرحني سرحني بجاه لعرج مولى بغداد
سرحني يا سيدي نجي نشوف وطانك وطاني *نسال على لحباب كان جرانك راهم
عاد
سرحني سرحني اليوم من هاذ الحبس زاني*كان انت تنعرني يجو ولادك عندي هداد
سرحني كي جبت الحبيب مقبوض بن المداني*انت من برج التاغية عليه قلعت تحداد
سبع بيبان مبلعين من داخل و البراني **فات على العساس غير ساهي ما بيه رقاد
انا نحكي ساس الكلام للفاهم كل معاني***بين الشدة والرخف كي لي ساهي فالتسناد
انت جاك المراكشي مشرق من الغرب يعاني**حججته لرسول نعرفك مركح القصاد
انت غثت مهايا ولدها فالبر الاغصاني***عندك بحر المحيط كي القاطع ساقية الواد
انت قاعد ورسلتلو قطايا مثل الروحاني***على رمشة العيت جابته لمه في لوتاد
امرة لي غثتوها في درة غثتوها عيناني***حلتوا ما بين الما وولدها من بير التهواد
مول النوبة انت وبوعلام الشيخ الجيلاني**انت قطب الاقطاب ليك ربي يوفي المراد
سمان صباح الخيرقالها لي مفتاح لساني*ما نعرف يا لحباب وينهو سيدي في لسياد
انت سلاك لي فالبحر وترد لي جاني***عمرك ما تهداني غريب يا مركح القصاد
انا مشغول مع محبتك حاجة ما تلهاني***والدنيا تنده بيك قال جاد القرمامي جاد
انا مشغول مع محبتك حاجة ماتلهاني****ياك انت شيخي ودرقتي من عين الحساد
انت غانيك الاله غاني من عند الغاني***وجميع لي يلغى عليك جبته من كل بلاد
حتى انا محسوب هاك نتضنن في تضناني *نخرج من برالضيق لتسع من حكم الفساد
راني خايف لانموت في ذا حبس النصراني *لا طلبة لا تاذين لاصبع واقف لتشهاد
لاكن نحمد ربي ما عرفتشي بلي ياتيني ***ولي مكتوب عليك يا بنادم مالو تحياد
احنا خدام الدار من الجد الاول لثاني***هديت طريق مسلسلة على لبات واجداد
انا سيدي زين القباب بيه ناقر عدياني ***يده قدام يدي تحول بين الشفرة وزناد
البارح شفتك فالمنام ولا ذا قايد جاني ****يلا راك انت رواح لي في وقت التوراد
ياسيدي جاه الله لاتحشمني بين قراني ***بركاك من الغضبة لا طولشي فالمعتاد
ياسيدي جاه الله لا تخيب لي غرس جناني**مشيلي ساقيتي على الصفا بسباب الجواد
ياسيدي جاه الله لا تفوت عليا تهداني***وانت الضامن عزي ونفختي والستر ولعياد
حاسب روحي ريشة من العظم مانيشي براني*ولي يقلع شعرة من الهذب يتباكو لثماد
انت قلت الخدام همتي والثوب الدخلاني***انا حقي فالثوب مانبيعه ما له تحياد
انانحسب مدرتش باه رحل البيضاعداني*حاسب روحي راني رخيص ك واحد في لولاد
انا قلت الخدام مايعزوش عليك الفاني**يلا جا سلطان جديد ما يديروه معاك عناد
تجي انت والوالدين كالقبلي كالضهراني***يدورو بالقبة فضايل معمر مول الواد
يجو حيين ونايمين ناس السر والبرهاني***الحاج الدين والديه ولاده في ميعاد
دويناتي لحرار شايخو لي سيدي عداني***انا في عار الله وعاركم يا صربة لسياد
راني نحمد ربي ونشكره فالدنيا هناني***عندي غير الزكا مع الصلا ومسابح لوراد
يلا ضاقت روحي نعدل السرج على الشيهاني *سطارة مقيومة على يدين معلم بداد
ياك انايا ركوب العياد بها فوت زماني***خطرة علفات مخالفينهم وكحيلي غراد
خطرة فالسرج نرقبواعلى القبلي والظهراني *خطرة بقراس مطلعينهم للحرب
وجيهاد
ماني مداح نجوع غير لكان انت والمداني*ولا رب العزة من عليه البركة والزاد
صلوا يا مسلمين على النبي العدلاني **اسمو طه هو شفيعنا في يوم الميعاد
لو ما محمد ما يكون لا فرض ولا سناني**يشفع فالناس لي مخطرين قفول بلا زاد
لو ما محمد ماتكون رحمة بعد الميزاني **الرحمة والغفران للامة النبي محمد
علاش انت حتى نسيتني في حبس النصراني**بعد ثنين وستين يوم ما باقي ما ينزاد
تمت بعون الله
جمع وتحقيق عبد الله بحوصي

شكرا جزيلا سي عبد الله ، على مجهوداتك في جمع وتنقيح القصيدة الرائعة للشيخ محمد بلخير رحمه الله.

dadi2010
كتب..وفي فرنسا هل من أحد عنده نسخة منه.


نعم الكتاب موجود حاليا في باريز العاصمة

السلام عليكم وماشاء الله
وبارك الله فيكم السيد عبدالله بحوصي

بسم الله الرحمان الرحيم .والصلاة والسلام على خير المرسلين.
نطلب من الاخوة الكرام اعضاء المنتدى منتدى سيدي الشيخ .
من توفرت لديه قصيدة رحل البيضا على شكل اوديو او فيديو ان يتحفنا بادراجها في المنتدى ولكم مني الف تحية وسلام.

https://youtu.be/bqkgwvisS8k

https://youtu.be/ZWdHqHPjyAg