عودة (عشق الربعين)أرجو التثبيت

تعرضت لمشاكل و مضايقات كثيرة بعد نشري لهذه القصيدة و لكن و الحمد لله قد ولى ذاك الزمان
إنه فقط الحب لا غير و إحساس الشاعر المرهف لم أظلم أحدا و لم أجرح آخر فقط عبرت عن حبي
فإن قطعو يدي و أبكمو لساني
فلن يسكتوا قلبي

يا قلبي
يا قلبي لوكان بيديا تقبض****سال عليا نرشمك كية عن كية
انسيح لعروق واشراين تنبـض***و انبدل في مكانك حجرة صمية
حكمك حكم خصيم ليا ومعارض*** و لي قاضيه عدوه وين الشكاية
حكمك قاسي ما تسول و تفاوض*** حكمك ساري ما اتأجل قاضية
حبك فيه اجنون و اريوحه تقبض*** ويهوَض عقب الليل شاو الصبحة
ما يطلق مولاه جملة يترضرض*** و يعله لطول ما دام الدنيا
و يحمل ويدان منه تتفايض ** عوم وسط نخيل و برور اخفية
و يكدر حال منه يتخوض***** من قيرك موحال دقثارت مايا
اسوايع بركان بحشايا شوّض* نيرانه بسيولها تحرق كل اثنية
وسوايع مثل احساب وبروقه تومض*** وسط ليالي حالكة و اريوح اقوية
ولا مثل قمام و ضباب يعرض*** درق عني تيسمرت وتلول الرملية
ولا مثل حساب برعوده تمخض ****بونقطة و التايدة شبعو من رية
كان يبات ولفي دمعه يتفايض** و ايسقسي عن خاطري واش لي بيا
كان يبات قلبه بسمايا ينبض******* و ارجعلي بلجفى ما عادش ليا
سيدي الشيخ
سيد الشيخ انعاهدك بالصدقة نعرض*** وانشارط ونزورياشيخ الولية
قادة ولد الشيخ راني مستمرض *****هزلولي لعظام و ارشاو اعضايا
مقصودي لسياد مهلوك مقرض*******و اسبابي لحفاد و القصد ابنية
مقدودة بالزين سبحـانه فرض***********معدولة فالطول نخلة شعوية
لوحة من فنان تحفة من معرض******** معلومة فالصيل ولفي زاوية
سالف بنعمان في جدايل يتنفَض ******* مشموم الريحان نفحة جاوية
صدرك مثل رخام تفاح مفرض *******قرس امبكري في جناين معفية
سنك عاج زمزم وسطه يتمضمض****** طيب لسانك شهد نحلة عسلة
اشفار عيونها لشّوف اتعرض**********و اتصيب لي كان مدمور بنية
جراحة بسيوف حيننظرتها تلحض******* و تعدّم من قاسته ليه المنية
احواجب مثل خيول جلابة تركض*******واخواطرها ضايقة وقت عشية
خفت يطول الحال تنساني نمرض****** ولا نعطل و نعود للناس شفاية
اصلك من صيلين صاعب يتروض*** صيل مصيل طابعه صيل انسوبية
سيدي حرمتك عارك فيها قبّض******* جيتك بالعزيزة ذيك اشفيرية
ترجعلي و يعود سعدي يتنقذ*** اجدي القزلان ريم الحيحاية
ما نقدر لفراقها مولانا يفرض* و يقدر خالقي للعبد بلية
انبات نباصر والدقيقة كي نقمض* تفزعني و نوض فرقت من بيا
سيدي
سيدي هدّي سرها للعاهد تحفض***تظحكلي ليام و تعود هنية
نتعالج نرتاج يجبرلي ذا القرض***تبعثني من موت تعقبها حية
ما يرجعش العشق بعدك يتعوض* ما نرضاش دونها بنت ولية
بنت الحاج نعاهدك بجدودك نلفظ * والتايب عن ذنب ما ليه اخطية
لميمة وصاتني و الملح يعرض**** والكلمة الطيبة تحضر فالدية
انديرك تحت جفون عيني و انقمض*** و تعودي لشوف ممو عينيا
ما قطعو جدودي عاهد يتنقض****** ما ليهم موخالفي ينسى لوصية
ولد استيتن و القرابة فالبيض*** نكوة لمهيدات ما درقت حية
ماني مولى مال بزنود نعرَض** ماني مولى جاه و اصحاب الريا
هنت عليك و طاوعك راسي يتخفض*** نبكي و نبكي حبابي و العديا
ما نبقيش حديث من فيا يقرض*** و يجرج خاطري بلسانه عنية
ما صاوب لحديث عني واتحفض*** ما فتش لسباب يعذر ما بيا
يا تهواسي راه قلبي يتعضعض***و مسافد شاعلة تلهب فيا
بشامت صوفتي بمخابط تنفض***برامت نيرتي ليا عن ليا
وسط اخديمة فوق ماها نتفايض ***نعلى و نعود نهبط سفلية
عيايت قلبي طاح منك زاد امرض* والجرح يلا طال يبرى من كية
طاب قليبي في شكاوي يتمخض****** مدبوق بعرعار بيدين ولية
عجل زرعي كي اتازق دون البعض * سفاته في النوادر مدرة ذراية
ما صده بيطار لكتوبه حافظ*** ما كشفه عراف بعلوم الرقية
ما رده مكتوب لطريقه عرض*** ما داواه اطبيب يفهم فالدوية
لا عالم لنفوس جايل و يخوض*** و محوس لكنان يعطيك دراية
قمري
قمري زرق الريش بجناحك فرض*** غرب للعافنة تعمل مرضايا
صد شوار ولفي تطوي لرض**** واتصبح عجلان نعطيك برية
قوللها خوك مسوه اعوارض*****يترجى فالموت ما عادش يحيا
امري لله مفروض انفوض****** و لي وكل خالقه ما ليه اخطية
ياقمري ظنيت مقداك نعارض*** و انحشم في رسولي حجلة برية
خفت تشوف ولفي ما تحفض*******لوصاية و تعود تعشقها هي