***** شهر الصوم *******

هذا شهـر الصـــــوم بان هـــــلالــو طــل ** أهــــــــلا و سهلا بيه ذا شهر الإحســــان

سيـــــد الشهــــــور عنهـــــم مفضـــــــل ** ذكــــروا مولانـــــا أنـزل فيــــه القـــــرآن

شهر الصوم في خصايصوا وش أنفصــل ** ما تخفـــاش أفضـايــل السيد رمـــضــــان

فيه ليلة علـــــى الليـــــالــي تتفضـــــــــل ** شــــرفها ربــــي الـــرحيــــم الرحمـــــان

مـــــن وافـــاها نال فيــــــــها ما يأمـــــن ** يسســــعد وعقـــوبتــــو راهــــــا تزيـــان

الملائكـــة مــــــع الروح فيــــه تتــنــــزل ** بــــإذن الله حتـــــى الفجر بنـــورو بــــان

شهـــــــــر البركــــات قــــدرو مبجــــــــل ** سبحان اللـــي فضلـــــوا عظيم الشــــــان

يا سعـــد اللــي راه صــــام أيامـــوا كـــل ** وأنـــــوا ذا الطـــــاعة احسابــــو إيمـــان

أسمع لــــــــي أنحدثـــك كـــانـــك عاقـــل ** ودي مـــنــي ذا الوصــــــايا يا فــــطــــان

فعــــلك راه عليــــك كامــــــل مسجــــــل ** راه مســـطـتــر لا زيـــــــــادة لا نقصـــان

حاسب نفســـــك لا تحيـــــــف ولا تغفـــل ** دير الخير أتفــــــــوز فـي جنـة رضـــوان

لا تظلمـــش الــــناس و دير الباطــــــــل ** والإنســــان يسالـــم أوخيًـــــو الإنســــان

خصوصا في ذا الشهـــــــر المبجــــــــــل ** ومصلح دايــــــم زيــن في كـل الأحيــــان

متميز على الناس صاحــــب شــــــمايــل ** ومولى كلـــمة وافيــا مـــا هو خــــــــوان

ما يظلم ما يدير منكــــــــر ما يـجهــــــــل ** لا غتبـــتة لا غــش محســـــــن للجيــران

يسحــن للفقيــــر واللــــــي جا ســايــــــل ** واللي محسنـيـــــن جـــازاهـــم الإحســان

المسلــــم تلـــــــقاه بالخـــير يعامــــــــــل ** وما يتوجهـن ما تقــــــول يـــذم فـــــــلان

ما يشتيــــش يتبــــع الراي العايــــــــــــل ** الــــراي العـــايـل دايـما فيه الخســــــران

خــوذ طريـــق العافيــــة بالك تهمـــــــــل ** و من يمشيهـــا راه يوصـــــل في لمــــان


والصايم يصــــــوم بالجــــوارح كـــــــــل ** و يتـــــاقي مولاه في الجهر و خفــيـــــان

صافي قلبوا زين ما يحملـــــش الغـــــــل ** و يساعـــف الناس صريـــح و مومـــــان

ومولى القلب الشين في الناس يحصــــل ** منافـــق يحتــــــال حتى فــــي الميـــــزان

كاين بعض النـــــاس راهــــا تتحايــــــــل ** مخدوعيـــن خضــــــاو طريق الشيطـــان

وكاين ملي راه صايم علــــــى المأكــــــل ** متغيَــــر فــي حالتـــوا دايـــــم زعفــــــان

مـا يسمع لحديث مــــن جــــاه يســـــــول ** و كي تلقــاه يسبــلك كـــامـــل الأديــــــان

وكاين من تلقاه فــــي النـــاس يهبــــــــل ** نمــــام و كــــذاب فحـَـــاش اللــســــــــان

وكاين ملــــــي راه راقــــــــد متكســـــــل ** و مــــا يفـــطن حـــــتى يقـــــــرب الآذان

وكي يفطر تلقـــــاه تايـــــه مسقــــــــــول ** و يخـــزر في هـــاذي العرب نعــت الذبان

من حقوا يدعــــي المولـــــــى يبتهــــــــل ** و يعبــــــد ربي باه يدخـــــــــل للريــــــان

أقبل ياربـــي صـــــيام الــــنـــاس أكــــــل ** و الحــــايف ردًو لطــريــــــق الهديـــــان

مولــــى ذو لبيــــات بالخيـــر يـــفـــــــول ** و مــا ييــأس من رحمــة الله الرحمــــان

ها هو أسمي نذكــروا يا مـــن تســــــأل ** الشاعر أدونيس ناظــــــــــــم ذي الأوزان

أشريـف ادريسي ومـعــروف مـأصـــــل ** الإدريسيــة بلدتـــي فيــــها سكــــــــــــان

وأخيـــر الكـــــــــــلام مــا قـــــــــل و دل ** بيت أمفصــل خير من بعض الديــــــــوان

وصلى الله علـــــى النبــــي المفضــــــــل ** محمد رســول الله طــــــه الــــعــــدنــــان


****** محمد أدونيس ******

يتقبل ربي صيامك وصيامي *** احنا والمومنين كامل بسواها

ونتمنالك خير واحسن مقامي *** وتزور الكعبة بعينك تراها

وايامك تكون خير من ايامي *** وتعديهم كل فرحة ونــزاها

ماتتهول ماتحير وتضــامي *** تشوف الزينة ماتشوفش سواها

****** وحبك للرســول نبينا طـــه *****

اللهم آميـــــــــــــــــــن.