***** خــــــانــوني ليــــــــام *****

خانوني ليام عكست يا عجابا ** ونتــاجــي متـهنيـا وانــا زعفــا ن

ما نرقــدش الليل عيني لوابا ** عني طاح الهم وجهي راه اشيان

كم من محنة في طريقي غلاًبا ** غفلت في وجهي الطاقة والبيبان

راني صرت وحيد ما عندي صحبا ** وللي كان حبيب عاد من العديان

اللي كلمني قــاع نعطيلو سبًا ** قــلبي من غيضو ومن همو مليان

يا قلبي بــركـاك يلزمك تــوبا ** واستغفر مولاك والعن الشيطان

محناتك جميع راهــا محسوبا ** مكتوبه ومقدره من شاو زمان

ما تقدرش اترد اللي مــكتوبا ** ما يتصرف عبد في ملك السلطان

فرح او قرح مع ايامك مصحوبا ** ساعة في راحة او ساعة في لغبان

ايام الله بيــن خلقوا منصوبا ** يوم الزهو مقابلوا يوم لاحزان

لا تقنط لوكان في قلب الحبا ** ولا تزها لوكان في شاو الـقوما ن

مقــاديــر الله دارلــهـــا سبا ** والحمـــد لله فــي كــــل اوان

قادر ربي لا يـخيبلــي طــلبا ** وتزول هاذي لمحاين والتشطا ن

بين الكاف والنون ما تبقا صعبا ** ويزين ربي سوايــع ذالزمــا ن

ياربي ياخـــالقــي ليك الهربا ** يا من ترجى رحمتك انس مع الجا ن

ارحمني و نــح عني ذ لــكربا ** نتهنى وتزول عني كل احــــزا ن

ابــجا ه اللي ظلاًتــوا سـحابــا ** محمد رسول الله عظيم الشان

بحرمة من طاف بجوار الكعبا ** وصعد عرفات وصبر للحمًان

بركـة ناس الخير اهل المــحبــا ** عجايز و شيوخا و صبيــا ن

نتهنى مــن ذ لمصايب والغلبا ** ونتمناو العـاقبــة لينا تـــزيا ن

والشاعراصلوا دريسي في النسبا ** و مسلم للصالحين اهل الديوان

الادريسيــة سكنتوا ثــما تربــا ** أدونيس اللي نظم هذا لغيوا ن

والصلاة على النبي زين الـقبا ** والسلام عليه صاحب الفرقا ن



***** محمد أدونيس *****

جميل واصل التالق

قصيدة رائعة بارك الله فيك

ذَالْفِرُوجْ اللِّي احْرَقْتُو نَا مَلْــــــــزُومْ ***مَا شُفْتُو حتي اسْمَعتْ الصَفَّارَة

عَسَّاسُو بَسْلاَحْ يَشْبَهْ جَيشْ الـرُّومْ***نَحْلَفْ مَنْ لَتْرَاكْ مَاهِي كَفَّـــارَة

محمد ادونيس

*****************************************************

كيما صادك صادني رمحه مسموم***وتمكن فالقلب خلالي مارة

حين اوصلني صابني فالدم انعوم***كي سولني مالقيت العبارة

دين نعيمي

أنا جرحي راه في الكبدة مرشوم *** واتمكن منها وخلالي مارة

لا طبيب بحكمتو ضاهـر معـلوم *** ولا طالب فهيم عنده اشارة

ولاعاشق كي حالتي في البحر يعوم *** ولافنان يقول قول الشعارة

قلبي صدى صار لونه مثل احموم *** وش من طب يفيدني ياهل تارة


************ مع تمنياتي لكم بعيد سعيد ************

خويا ادونيس كلامك بالميزان .... معاك السي الدين للمعنى وفاه
هذي دنيا واعرة على الناقص .... فيها الولد صار يتمنكر بباه
ضاق الحال على كل لي فيها.... و خوكم من بينهم حقه راه داه
اذا كان الهم عندكم راه كبير .... اعرف بلي الرب راه اكبر مناه
قادر سبحانه يرفع كل هموم .... ما يخلي دين لواحد ما اقضاه

قصيدة ولا اروع بارك الله فيكم جميعا