غزوة الغزوات.

من طرف chikh الأحد 5 يوليو 2009 - 16:15

في إطار سلسلة المغامرات العجيبة (غير المفهومة) ، التي لا يصدقها العقل والمنطق ، بخصوص يوميات هيرون ، رصدت كاميرات المنتدى ، بالصوت والصورة ، هيرون مستلقيا على (السيارة الفاقع لونها) ، ليقوم بإصلاحها ،،، وأي إصلاح؟؟؟
هيرون قد تمت دعوته منذ ايام قليلة على مأدبة عشاء ، رفقة صديقه ، والمعروفين با(الزرود) ، فلبى الدعوة ،دون هوادة ،، فهيرون لا يريد أن يغضب الآخرين ، فمتى دعي ، لبى """"
لكن الشيء غير المنتظر، وغير المفهوم ، أنه ذهب إلى مدينة الغزوات للحضور لمأدبة عشاء ثم عاد على (بوراقه) الفاقع اللون.
لقد خسر تعب يومين من السفر (1000 كم) + 250000 ثمن البنزين وهو حاليا يقوم بإصلاح السيارة التي تعطلت هي الأخرى جراء السفر. كل هذا من أجل (زلافة طعام).
غزوة الغزوات. Heron10

من طرف chikh الأحد 5 يوليو 2009 - 16:20

وين راك يا الدين ،،، ولا راك خايف لنفضحوك (حاسي مسعود)
كل المعلومات راها عندنا ، وحتى عبد الهادي زيدوه معاكم.

من طرف chikh الأحد 5 يوليو 2009 - 16:42

صورة لسيارة هيرون من الداخل
(toute option)
غزوة الغزوات. Heron110

من طرف dadi2010 الأحد 5 يوليو 2009 - 23:50

واش يا سي الشيخ ها ما تظلمش راني بعيد خلونا نقعدوا ترونكيل

من طرف heron الثلاثاء 7 يوليو 2009 - 0:00

واش يا السي الشيخ
الصفراء اللي راك تهدر عليها راها زاوية مربوحة
متغلطوش فيها
والله مسكينة ما تنوينا
و سول على مغامراتها في الغزوات يحكولك

صح صح ذيك النهار ترينيت بيها قل شوي حرقتها

سي الشيخ ياسر عليك فضحت ياسر هبط راسك التحت شوي

تزاقات عليك يا هيرون كانت الفضايح مكتوبة برك راهم طوروا الكميرا راها ضرك بتصاوير وكان ما تريقلش راها جايا لفظايح بالصوة والصورة فالمرة الجاية
عيينا ندرقوا عليك بصح قضحت

واش حنا بعاد ونتوما تمنشروا

ياهيرون ماعندك ماتبلعط الصورة فضحت كلش

من طرف heron الثلاثاء 7 يوليو 2009 - 9:37

يا السي الدين الحمد لله البلاد فيها هيرون واحد
راني خايف داري وراكم حاطين فيها كاميرا
الله يستر
الكاجيبي دفعت فاييت معاكم
هذا واش بغيت لينا يا السي الشيخ
وقيلا نكشف الورق و خلي تخبز
يا السي الدين نهار22 راني معروض في الغزوات
اذا حبيت تروح تعشى معايا مرحبا
و الخميس اللي من بعد في قسنطسنة
نفوتو ويكاند و نجو
ايا دير الكوراج خليك من الهدرة

الله يخلف ياسي هيرون

انا راني عارف واش راه يديك للغزوات؟؟؟؟؟؟؟؟؟؟؟؟؟؟؟؟

اح اح اح
واش يا السي الدين

لاتقلبش لحجر ياسي هيرون ..... يخرجولك لعقارب سيرتو هذا الصيف

من طرف CKB الثلاثاء 7 يوليو 2009 - 20:32

صورته وهو بصدد تصليح السيارة ، هي صورة فنان دارك لكيفية الاتكاء والوقوف والاسترخاء ، لكنكم اتعبتموه بتعاليقكم و حمّلتموه ما لا يطيق ، الغزوات فعلا جميلة ، وهو أيضا جميل ، إذا جاءك " الدين " إلى البريد في رمضان عاقبه بالوقوف في الطابور ، كي يقلل من هجماته ، أما " الشيخ " الذي اطلعنا على السيارة من الداخل فشكف المستور ، فانظر العقوبة المناسبة له ، واحذره ، قد يلتقط لك صورا أخرى أكثر شدّا للانتباه والتعاليق .. لا تظلموا " هيرون " دعوه يصول ويجول ، قد يفاجيء الجميع بخبر سار في الأيام القليلة القادمة ، إنه شاب وسيم و طموح ، وناشط ثقافيا واجتماعيا ، غير متقوقع على نفسه ، حتى أنه يبدو غير شحيح بحنانه ، ولعل هذه الميزات هي التي كانت وراء كل ما تعرض له إلى حد الساعة .

لو كان جيت أنا كيفك يا هيرون ، والله اندير لـ CKB عشاء بومصور
يا صاحبي راه ردك ملايكة.، ،،، دزعتنا يا خويا....
والتصاوير الجدد راهم لاحقين ، انت و الدين.

بيبليسيتي لهيرون من طرف الأخ شيخ قدور بن علية

افهموا يا بنات حواء......وآباء بنات حواء

من طرف heron الأربعاء 8 يوليو 2009 - 1:54

يا السي الدين ماكش باغي قاع واحد يشهد فينا شهادة زينة
يا السي الشيخ بن علية ربي يخليك و ينورك
راك تشوف يا خويا قاع غايضتهم الشهادة
الحمد لله ما قبضو علينا والو مشين
كانو يفرجو فينا كل خلق ربي
الله يستر
و شهادة اعتز بها من نجم يلوح من اعلى السماء
لينير قلوبا في الارض

ياودي ماقلنا والو قي راك ظالمنا

من طرف CKB الخميس 9 يوليو 2009 - 19:52

سأكون أول المدعوين ، وسأعاين طابور السيارات وهي مصطفة أمام منزله للذهاب إلى .............. ثم العودة للقيام بعدة دورات في" الفرعة " وأكون أيضا في اليوم الموالي أي الجمعة مع جماعة " أرفيس " أعني فطور الصباح ، وقد أمكثت عنده أياما عديدة حتى مجيء يوم " لـَـمْــكـَــبْ " ثم أواصل البقاء إلى غاية يوم ختان ابــنــه ،،،، شهادتي تلك كانت بدون مجاملة ، هي ما أعرفه عنه ,اشعر به نحوه

كيماهاك اخرج لينا من السدرة ياسي الشيخ قدور

كلنا نحلم بهذا اليوم لكن لا حياة لمن تنادي؟؟؟؟؟؟؟؟؟؟؟

من طرف CKB الخميس 9 يوليو 2009 - 23:46

لا تستعجـــلوه ،، إن اتخاذ قرار من طرفه في هذا الاتجاه يوجب عليه أن يقلب الموضوع أكثر من مرة ، ويُـكثر من المستشارين ذوي النية الحسنة من محبي الخير له ولأهله ، فالاستعجال في هذه المسألة بالذات كانت له آثار وخيمة على العديد من الشباب ، من جيله :
و أجيال أخرى ، حتى أن التريث في حد ذاته يحفظ مستقبل شريكة حياته التي نتمناها في مستوى تطلعاته:
لها مُـقـلة لو أنها نظرتْ بها
إلى راهب قد صام وابتهَــلْ
لأصبح مفتوناً مُعنـىً بحبها
كأن لم يَصُمْ لله و لمْ يُـصل
ولي و لها في الناس قول وسُمعة
ولي ولها في كل ناحية مَثل

من طرف chikh الجمعة 10 يوليو 2009 - 1:32

أين البيت الأول ، يا سي الشيخ؟؟؟؟أتراك نسيت أم تناسيت ’,.؟

من طرف chikh الجمعة 10 يوليو 2009 - 1:40

يا سي الدين ، راني خرجت من زمان من السدرةياك كل السدر احرقتهم في برماد باش ادير لاتاي والمشويمالك؟؟؟ راها قصعتك دايرة غزوة الغزوات. Chi2010

من طرف heron الجمعة 10 يوليو 2009 - 2:01

يا السي الشيخ بن علية كلامك في محله
و انشاء الله لقد وجدت ابنة الحلال من اصل طيب
مؤدبة و متزنة و الحمد لله
لم يبق الكثير للاعلان عنها انشاء الله
يا السي الدين الرفيس كاين انشاء الله
اليوم ياك دخلت 32 سنة
و انشاء الله منفوتوهاش قبل ما نديرو حاجة مليحة

من طرف chikh الجمعة 10 يوليو 2009 - 2:25

عيد ميلاد سعيد ، وعمر مديد إن شاء الله ، كل عام وأنت بخير وصحة جيدة ومزيد من التألق والنجاحات......... وحظ سعيد وموفق لكمـــــــــــا

غزوة الغزوات.

غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.

رد: غزوة الغزوات.