القليل من التغيير.

للنجمة إلي في بالــــــــي .. سهــــــرت علاها ليــالــــي

تعـــدات سنـــــين تقـــطعت فيها علـــيا أخبـــــارك

يــا نــجمة زعـــــمة قـــداش من واحـــد بعـدي زارك

بــين حروفــي في وسط كلامـــــي ياما خبيت أسرارك

و نســـاو إلـــي فنـــي مـازال يعـــيش بغــرامـــــك

هــايم وحــدي نحوس عليـــك في وســـط الليــــالي

نغنــــــي بأعلـــى صــوت بالكشـــي تسمع انت موالي

يــــا نـــجمة اليـــل لو كــان تعــــرف اش جرالـــــي

علاش تخلـــــني في ظلام نبيــــع فيه أفكــــاري

دنيـــــا غــدارة يعـــــيشو فــيها كـان بالـنصـــب

تفــكرت نهـــــارة إلي خـذاوك منــي أنــا غـصب

ســامحني كان نهـار سالـت على خاطـري الـدمـوع

و عــذاب السـنين نـار تكـــوي فيــا بــين الضــلوع

خــايف لا يجــي نهـــار ترمــي فيه عليا اللـــوم

و كان طال بــعادي ما تحــسبهاش إلي انـــا فيــك نخــون

يــامــا عديت ليالي يـامـا ضاعت مني سنـيـن

و في الدنيــــا تســـرقة أحلامـــي خلاتنــــي فنان حزين

تمــنــيت لـو كـان نعــرف أخبــارك كي طـال بعـــادي

في عـز اللــيل نسـمع فـي صـــوتـك عـليــا ينــادي

بيــن شـوارع الاحــزان مــاخـو فنــي فـيه زادي

تفـرضـت عليا حـرب عمــري مـا كنــت فــيها بـادي

نـتـفكـر يـامـا حلمنــا بالـدنيـا أحنـا و غـنيـنــا

يـامـا وقفنـا في وجـه الريـح وقـت الضعـف تـواسينــا

امـا خسـارة الاحـلام ورقــة تـاكـل فيها النــار

والقــلب الحزيـن ولى رمــاد زرعـو فيـه الثـــار

الهواء المـسـمـوم مسرب يحب يطفي نار شموعي

تستنـى فيا الحـساد بـاش تـشـوف نــار دمـوعـي

مهـما طـال الزمـان لازم يجـي نـهـار رجـوعــي

ربي العالي ديـما كبـير و مـا يشوفــوهـش يــوم ركـوعـي

يا نـجـمة اللـيل مـا تـغيبـش مـن سـمايـا و خـبـرنـي

عـطـيـتك الأمـان و حـال انـت كـيفـهـم تغــدرنـي

انـا ويـن شبـيه مــوج الـبـحر قـدامي حـزيـن

عـطشـان في دنيــا سقـاو فيهـا كـان بـكاس الـويـل

حتـى لـو كـان العـالـم مـا حـبش يـفهـم مـعنـى كـلامي

حتـى لـو كـان الظـروف ما حـبتش تـبعـد و تـنسـانـي

تـبـقى انـت مـنـي و ضحكـتك ديـما تعـيش في خيـالي

حتى لـو كـان حياتـي حزينـة خـترتـك أميـرة متـاع أحـزانــي

عـلاش فـي طلـوع كـل صبــاح تـمشـي و تـخليـني

و مـع طـلوع كـل شمــس نـار الـواقـع إلي تـكـويـني

حتى بـحر الـنسيان مـا يمـحيش الـي راتـو عـينـي

يـا نـجمـة عـلاش تـزيد عـذابـي و الي فـيا انـا مكفيني

ساعات نـقول عـلاش عـفست عـلى قـلبي انـا و حبـيتك

غاليـة عليـا دمـوعـك و أنـا السـبب إلـي بـكيـتك

كيـفاش نـنساك و انـت مـع الأيـام هــواتـك روحـي

كيفاش ننسى الليالي إلي تضمدلي فيها جروحي

نـكتـب في غـنايـة خـاتـرنـي حـبـيت نـشكيـلك

مـاللـي راتـو العـين مـخنـوق تـمنيت نـحـكيـلك

بـحـر أحـلامـي تـبخــر و تـرابـو زاد شــاح

حبـيت نـبكي بـين أحـضانـك بـالكشـي فـيها نـرتــاح

حـبـيـت نـغـني فـرحــان خـسـارة كــان بـودي

خـذاوك مـنـي الـعيـن تـشوف و انـا مكبـل مـن يـدي

مــاعاتش نـخـاف مـالـظروف خـليهـا تـاقف ضــدي

كـان الدنيـا ليـوم ظـلام أنـا إلي نلـونـهـا بـيـدي

غـنايـة خـذاتهـا مـني الأمـواج تـلعـب بيهـا

فـي وسـط بـحر كـبيـر تحوس عـلى مــرساهـا

ورقـة صعـيرة تعـوم زعـمـة آش يسـتنـى فيهـا

فـي طـريـق الـكلو ظـلام و الـحوت جيـعان دايـر بيهـا

يـا ورقـة حـل شراعـك بحـر الأمـرار قـاعـو غـدار

يـعـشق ظـلام الليـل و يـكـره صـوت الأفـكـار

وصـللـها كـلامي عـمـري ما نـسيـت إلـي بـيناتنـا عـهد

مـني ليهـا سلامـي و انـا مجـروح بنـار البـعد

ورقـة تـعـوم بـين الأمـواج خلـي العالـم يـقراهـا

كانـت عـنـدي نـجمـة أمـا الظـلام عليـا غـطاهـا

نعـرف يـامـا نـاس تـبكـي فـي عـز اللـيـل تـقاسـي

غنيلهـم يـا ورقـة هـاذوكـم أهلـي و داري و نـاسي

يـا نــجمة الليـل نــجمة العربـي ويـن

عـلاش مـا تعـشقنـا كـان للـمحـن و عـذاب الـويـل

عـلاش الـظلـم يـتخبى ورى الـمكتـوب عـلى الجـبيـن

عـلاش الدمـوع تـجري و مـا تعـرفش عـلاش بكـات العـين

أحـلام الانسـان نـار قويـة كـيما ضـو الشمـعة

تقـاوم فـي ظـلام الليـل قاعـدة تمـوت دمعـة دمعـة

آخـرتهـا ويـن مـا نحبـش نمـشي لـترابـي حزيـن

ربـي كـبير الله أكـبر و الإسـلام لـينـا ديــن

هذي غنـــــاية صغيرة قـــدام حقيــــقة إلي ياقــع

و كان بحــــري بحــــر أحلام إنشـــــاء الله يتلاقــى بأرض الواقــع

منقول.

جميل