قصيدة الرابيل.........

المعليم قالوا جاه الرابيـــــــــــــــل
خلعوه بنوامر في نص الليـــل
فيساع خلصته كبرت قد الفيـــل
جرنان فاضحه راه نشر لقسيــــل
جـــدول فيه مازادوا بالتفصيــــــل
لحديث راه ياسر والصح قليــــــــل
اللي زاهد أضيافه قير بخيــــــــــل
أخبار خيكم وصلت لبرازيـــــــــــل
قالوا رفحوا هذاك القليـــــــــــــــــل
حسبولو دواراه اتقول طفيــــــــــل
حاروا فيه لا يتبدل تبديـــــــــــــــــل
لقبيبة يزروطها والزنبيــــــــــــــــل
تحضى الماكلة كفتة و شقاليل
ماريتي لويطي كانت لقبيــــــل
هذا حال من علم جيل أو جيل
هذا حال من ضوى كالقنديـــل
هذا حال من داوى كل عليـــــل
ولى ضحك للي جاهل وذليـــــــل
هذا قير بارود أصحاب الخيــــــل
ايعبي اللي ظن الناس شكيــــل
مولى لبيات خوكم من جيرفيل
انحيي احبابي بحديث جميـــــل
نحمد خالقي سبحان الجليل
ولات خلصته كالزهوانيــــــــــــــة
بايت قير يحسب فالشهريــــــــــــة
يامس كانت ألا زلزوميــــــــــــة !
قلال دايره له وشموتيـــــــــــــــــــة
والناس حايرة في ذا القضيــــــــــة
واللي عودو ا ما فهمو حيـــــــــــــــة
والملفوف ما يوفى بالريــــــــــــــــــــة
عرفوا لباقته حتى الشنويـــــــــــة
هذا وين يتقلـــــــــــــــش فالدنيــــا
وأصبح تقصرة عند الدونيــــــــة
وايطور المعيشة و العقليـــــــــــــــة
ينسى هموم لعدس و زروديـــــة
و انظن قاع لا يخطى لمريــــــــــــة
ضروك شوفرولي و لا كيــــــــــا
هذا حال عمال التربيــــــــــــــــــــــة
ديمة في نقار مع الأميــــــــــــــــة
هذا حال وراث الأنبيــــــــــــــــــــا
واللي ما ايفكش حتى بريـــــــــــة
مشوار جايبينه بالعجليــــــــــــــــة
ونفيقوه قدام الرعديـــــــــــــــــة
نور الدين أستاذ العربيـــــــــة
موزون جايبه باللام مع اليـــا
و الصلاه على أب رقيــــــــــــــــة

منقول من منتدى ولاية البيض

وارواح تشوف من راحو لهيرون
يلمد ليهم العشرينات في الكرتون
جابو الفيليات الرخاس بلا لون
مساكين زالطين يحسن العون
خلطو الهبال ياك مع النية
و اللي تلقاه يقول طايحة بيا
انخلص الدين و نزيد الكرية
منشري مصروف منرفد رية
نحوس ندير معاهم جمعية
بصح المسمار ما يخرج حية

راني راجع لك يا هيرون؟؟؟؟؟؟؟؟

علاش يا السي الدين
راني رافع الراية البيضاء

تقول راك تناقر يا سي هيرون وقيلا ..............

الحمد لله اللي بنتو ، راكم كنتو غايبين ،،، هذا إضراب عن المنتدى ؟؟؟؟؟؟

( آل سيد الشيخ عبد الهادي ، دين نعيمي ، هيرون ، فقير بوشيخي)

واش ناقر يا السي عبد الهادي
رانا غير تحت الحيط نتمشو
زوج كلمات حافظينهم ردينا بيهم
و انت يا السي الشيخ وين كنت من حنا غايبين

ذالمعلم ردكم للمنتدى *** وفي ضني ياناس راكم مزلوطين

ابرابيلو جابكم وحدة وحدة *** وفي رمشة العين عدتو موجودين

ليك الحمد آخالقي عل الجودة *** كي رجعتو يالي مسافرين


****************************

الحمد لله الي رجتـــــو ياجماعة الخير تقلت عليكــــــــــــــــــــم

الله يسلمك سي أدونيس ،،، ألف مرحبا

الله يسلمك سي أدونيس