هدية الى احبابي في المنتدى

القمح يلا طاب يلزمو ينحصد ---والفدان الزين من البعد يبان
الطالب لمليح يمحي ويجدد---ولي بغاه ربي يحفظ القران
والعود السيار عمرو ما يجبد---يفرح مولاه في وسط الفرسان
والكلب الغدارما يعشر حد---معيوف الكسب وريث التجنان
والمال المخزون ما فيه فايد---حق الله محفوظ ما فيه الخسران
الزين ذاك زين عند كل واحد---والشين ذاك لا روحو شردان
الراجل لكريم صحبته فايد ---والبخيل عمرو ما يدير الشان
الصاحب فالضيق ذاك يلا يوكد---وما صاحب الرخف غير خطيه وكان
الولد الصالح من الاب للجد---وعاق الوالدين تاكله النيران
يلا بغيت تناسب شوف للبعد وبعد---ويلا بغيت تسكن شوف خيار الجيران
يلابغيت تركب شوف من لشهب واحد---ويلا بغيت لعمارة جيب بنت الطيب والاحسان
لا يغرك الزين ظاهر اللحم فاسد---والمستورة بعيدة من طريق الذبان
الذبان غير معنى للي راشد---والشاهد الحق عمرو ما ينهان
لا يغويك تبسام ضحك المكايد---لايشهيك ملح فوق طعام اللبان
لا يغويك المال وتقول نتمجهد---كذامن واحد كان مليك وسلطان
كذا من واحد كان يحكم متقيد---دار الوقت وجاه حكم الرحمان
كذا من واحد كان يحرث ويحصد---داير خماس يطوع فالبلدان
دار الوقت وعاد فالضيق يتمرمد---ساقر في بيت يسكن مع الجيران
كذا من واحد كان فالغاليم يجرد---يكسب بالميا غاليم وخرفان
ولا يسرح وعايش يتمرمد---مدارش حساب دواير الزمان
اسمع قولي يا لي راك تفدفد---وبغيت طير ودرت الجنحان
كل سمين يهزل يتكدد--وجميع لي طار يولي وين كان
اطلب الله يالي راك تجاهد---وجهاد النفس ذاك بر واحسان
اخدم الله وكون في ذكرو جيد---غدوة راك تفوز بطيب لجنان
خديم ربي عمرو ما يتنكد---حتى فالطلبة يكون من صحاب الغفران
حتى فالدعا يكون كريم وجيد---ويلا طلب ربي يكون لي كان
نختم كلامي بالصلا ونجدد---صلاتي وسلامي على سيد الرسلان
صلى الله على احمد طه محمد---والصلاة عليك يا النبي العدنان
صلى الله عيك قد الحي والجامد---والصلاة عليك يا ضو الغلطان
صلى الله عليك قد الصاحي والراقد---والصلاة عليك يا مومو لعيان
صلى الله عليك قد الشاعر وما مجد---والصلاة عليك قد حروف القران
يا محمد يا حبيبي ليك نتودد---تشفع لعبد الله بن الحسان
وتشفع لامتك في يوم الموعد---وتشفع لشاعر مول الديوان
عبد الله يختم بصلاة الراشد---تغفرلو يا الله وانت مول الغفران
تمت وبالخير عمت
اخوكم عبد الله بحوصي.

اطلب الله يالي راك تجاهد---وجهاد النفس ذاك بر واحسان
اخدم الله وكون في ذكرو جيد---غدوة راك تفوز بطيب لجنان
خديم ربي عمرو ما يتنكد---حتى فالطلبة يكون من صحاب الغفران
حتى فالدعا يكون كريم وجيد---ويلا طلب ربي يكون لي كان
نختم كلامي بالصلا ونجدد---صلاتي وسلامي على سيد الرسلان
صلى الله على احمد طه محمد---والصلاة عليك يا النبي العدنان
صلى الله عليك قد الحي والجامد---والصلاة عليك يا ضو الغلطان
صلى الله عليك قد الصاحي والراقد---والصلاة عليك يا مومو لعيان
صلى الله عليك قد الشاعر وما مجد---والصلاة عليك قد حروف القران
يا محمد يا حبيبي ليك نتودد---تشفع لعبد الله بن الحسان
وتشفع لامتك في يوم الموعد---وتشفع لشاعر مول الديوان
بارك الله فيك أخي عبد الله ولي الشرف أن أكون من أول المتلقين لهذه الهدية الرائعة

اشكركم على مروركم .سيدي زيدوري وسيدي الفقير البوشيخي وسيد الحاج الدين النعيمي شاعر المنتدى ومنك نتعلم.