المواضيع الأخيرة
لا تنسوا أن تتصفحوا أيضا بعض أقسام المنتدى:
بوابة الخواطر الأدبية للكاتب ش ق بن عليةبحـث
المتواجدون الآن ؟
ككل هناك 52 عُضو متصل حالياً :: 0 عضو مُسجل, 0 عُضو مُختفي و 52 زائر :: 1 روبوت الفهرسة في محركات البحثلا أحد
أكبر عدد للأعضاء المتواجدين في هذا المنتدى في نفس الوقت كان 634 بتاريخ الثلاثاء 4 سبتمبر 2012 - 22:39
أهلا وسهلا ومرحبا بكم في رحاب سيدي الشيخ
قصيدة زناقي مند عام 1870م كاملة
2 مشترك
صفحة 1 من اصل 1
قصيدة زناقي مند عام 1870م كاملة
باِسْمِ الله ابْدِيتْ ... وعْلى النَبي صَليتْ .... وتْحَكَمَتْ في الَحْدِيثْ .... جَاي بِيهْ مْفَصلْ
جَاي بِيهْ ابْشِيرْ ... عْلى خَطَرْ التَفْسيرْ ... بَحْرُوفَهْ اتسِيرْ ... لَخَتْمة نتْوصَلْ
اسْنِينْ مْع صْحابْ الخَيْرْ... في وَهْرانْ عشيرْ ... مْع لَحْبيبْ و البَشيرْ ... ولكْحَل اسْمَهْ بُو مْظلْ
وْسِيدْ احْمدْ الشُرفي ... والخْديمْ الحَنافي ... رَسْلوهُمْ لَلمَنْفي ... في سْفايَن تتْمايَل
هُما ستة صُدْقان ... خَمْلوهُم العَديان ... واحد منْهُم ما بان ... على كَرْعِيهُمْ خْلاخَلْ
من فَرقَتْهُم ابْكِيتْ ... ولْدَشرتي ولِيتْ ... وختمْت كل الحْديتْ ... جُوساسو تتْختَل
هَاذْ الزريعة مرة ... وايتبعو الجرة ... تهدا على برة ... وعْلى غَفْلَة تدْخُلْ
عْلى كُل خَيْمَة جُوسَاسْ... بالكْنَبيشْ عْلى الرَاس ... ومَعْلُومَات الاسَاسْ ... لَلْعَرْبي يَتْمَثَل
وَحْشْ لفْرَاق المْدِينَة ... دِيكْ وهران الزينة ... حبابنا خلينا ... في دا و داك نتخايل
امشاورْ بعياد ... فوقهم سياد اسياد ... حر البرود اَشْدَادْ ... مَخْدُومْ اَمْنْ امْصَيَل
بَمْكَاحَلْ بَجْعَبْ اكْبَارْ ... تَعْمِرَ اَتْهَزْ الدُوَارْ ... البُودَالِي و المُخْتارْ ... يْعَيْرو مَنْ يَدْخُلْ اقْبَلْ
دَرْوَكْ رَانِي مَغْمُومْ ... وَبْلاَ بِيهُمْ مَهْمُومْ ... لوُ نْشُوفْهُمْ فالنُومْ ... نَهْمَدْ بَعْدْ امْهولْ
حَامِي جَسْدِي فَايَرْ ... دَا اَمْرْ بِيَا صَايرْ ... وَلَعْرَقْ بَصْرايَرْ ... كِلْوَادْ عْليَا حَامَلْ
اَرْقَتْ مْغَلْغَلْ ... شَفْتْ مْنَامْ اكْحلْ ... السَالَكْ يَحصلْ ... وِيلَ مْلِيحْ يْفَوَلْ
بَانْ لِي وَاحدْ لَخْوِيضْ ... رَاكَبْ النَاسْ الغَيْضْ ... ويْشَالُو باليَدْ ... دَا في دا يَرْكَلْ
اتْنُودْ الفَقْعاتْ ... بَرْواحمْ ضَحاتْ ... والاُلوفْ مْضَاتْ ... على غَفْلَ تَتْقَتَلْ
بعْدْ سْنَينْ اطوَالْ ... نَحو عَشْرَ بَحْوَالْ ... يْنُودْ الحَلاَلْ ... بزْعامَ يَخْصَلْ
يْنُودْ بِاسْمَهْ مَعْرُوفْ ... بَالخْنَاجَرْ وَ السُيُوفْ ... مَا يَرْضَى بالخَوْف ... رَافَدْ المَنْجَلْ
مَنْ اَجْلْ الحَقَارْ ... غَدِي تَقْدِي نَارْ ... المْدِينَة و الدُوارْ ... وُ لِهُمْ تَوْصَلْ
وُ تَبْدَا لَرْسَالْ ... لْمَرَتْ لَجْبَالْ ... المْجَرَبْ يْنَالْ ... وعْلِيهَمْ مَا يَغْفَلْ
يَحْصَدْ فيهَا حْصَادْ ... غَاشِي وَ وْلاَدْ ... يَخْلَفْهَ بَزْيَادْ ... يْكَمَلْ المْتِهَلْ
وَتْنُودْ دَ نَفْرَ ... الدَاخَلْ وُ بَرَ ... مَا يْصِيبَلْهَ جَبْرَ ... حَدْرِي يَتْخَتَلْ
شُوفْ مَزْيَنْ دَا الهُولْ ... المَتْشَوَرْ مَدْبُولْ ... مَا يْصِبَلْهَ حُلُولْ ... يْزِيدْ هُوَ يَحْصَلْ
اعْقُولْهَمْ تَفْلَسْ ... كُلْ سُوقْ لِهُمْ رَايَسْ ... فِي ضْمِرُ غَايَسْ ... وَاحَدْ مَا يَوْصَلْ
يَلْغَاوُ لَلْخَبِيرْ ... فِي رَيَهْ كْبِيرْ ... مَا يْصِبَلْهَ تَدْبِيرْ ... يْزِيدْ هُوَ يَحْصَلْ
غِيرْ يَلْغَ وِيْصِيحْ ... لاَ اَسَاسْ صْحِيحْ ... مَنْ حُكْمَهْ يْطِيحْ ... يَسْمَحْ وُ يَرْحَلِ
لِي يَرْعَاهْ بَلْجُودْ ... شَهْرْ لَحْرِيرْ عْدُودْ ... فَوْقْ وَرْدَة مَرْفُودْ ... مْعَ مْنَامِي مَايَلْ
الِي مَنْ شَقْ لَبْحَرْ جَا ... وَحْتَلْ العَرْجَ ... رَاهْ عَنْد الخَرْجَ ... وُ هُوَ يَتْبَهْدَلْ
يْرُوحْ مْحَوَجْ ... مَنْ رَايُو مْعَوَجْ ... يَبْكِي عَنْدْ البُرْجْ ... وَسْفَيَنْ تْحَوَلْ
تَبْقَىَ لَرْزَاقْ ... مَنْ عْلِهَا مَشْتَاقْ ... و لَوَلْ عْليِ دَاقْ ... يَلْغَ لَلْغَافَلْ
غِيرْ حَوَلْ وَ اَدِي ... وُقُولْ اَسَعْدِي ... هَذَا وَرْثْ عَنْدِي ... شْكُونْ عْلِيه سْاءَلْ
مَنْ بَعْدْ الزَرْدَ ... وَاحَدْ الاَمْرْ يَبْدَ ... مَنْ هُو وَكْدَ ... يَبْدَ بِهَا يَعْدَلْ
قَالُو هذَا شَرَافْ ... وُ يَعْدَلْ بْلَطْرَافْ ... يَبْنُولَهْ مَنْدَافْ ... وَيْدَخْلُوهْ لَلْغَوَالْ
وَيْجِي وَاحَدْ الحُكْمْ ... اَمْزَيَرْ بِالاسْمْ ... وَحْدَهْ يْرَسَمْ ... كِمَا قَالْ اقْبَلْ
وُمَنْبَعْدَهْ يِجِي ... وَيْقُولُو دَا نَاجِي ... مَا يْفَكْ مَا يْحَاجِي ... مْعنَا يَتْعَادَلْ
اللَوَلْ يَجْنَ ... وَالثَانِي يَفْنَ ... و الثَالثْ مَا يَهْنَ ... فِي دَا وُ دَاكْ يْعَقَلْ
تَبْرَدْ دِيكْ النَارْ ... وْلاَ يَبْقَا عَارْ ... وْيَتْعَدَلْ الجَارْ ... وَالمَشُورَةْ تَفْصَلْ
يَصْرَ عَاهَدْ جْدِيدْ ... كُلْ سِيدْ مْعَ سِيدْ ... وَ تْوَلِي بَلْ مُوفِيدْ ... وُ سُوقْهُمْ يَتْبَدَلْ
تَنْدارْ العُقُودْ ... مَا لِيهَا حُودُودْ ... وِينْ بْغِيتْ تْعُودْ .... عْلَى خَاطَرْ تَسْهَلْ
اسْنِينْ تَتَرْصَ ... على دِيكْ الرُخْصَة ... وُ تَهْدَفْ القَصَةْ ... وَ الشُرْكَة تَفْصَلْ
اِنُوضْ وَاحَدْ الهَوْلْ ... عَلىَ وَادْ الغَسُولْ ... كِالقَتَلْ كِالمَقْتُولْ ... وُ فِيهُمْ تَنْعَلْ
تَطْوَالْ المَشُورَةْ ... بالمْعَايَرْ و الهَدْرَ ... وَ تْجِي دِيكْ النَفْرَ ... وَ عْلِهَ يَسْلَكْ لَخْبَلْ
بَعْدْ وُقَاتْ تْجِي ... يْجِيحْ اللِي سَاجِي ... لاَ وِينْ يْفَاجِي ... فِي مْكَانَهْ يَعْطَلْ
يَبْقَ تَلَفْ الرَائِ ... غِيرْ رَيَحْ وُ جَايْ ... لاَ قَهْوَة لا لَتَايْ ... كُلْشِ عْلِيهْ قْفَلْ
يَضْحَى الوَقْتْ يَجْرِي ... الاَ بْلَ مَا تَدْرِي... مَا تْصِيبْ مَا تَشْرِي ... وِينْ بْغِيتْ تُوصَلْ
السَلْعَة تُنْقَسْ ... فِي المْخَازَنْ تَنْدَسْ ... مَا يَبْقَ يَابَسْ ... دَخَلْهَ يَغْمَلْ
الخَلقة مْرَوَعْ ... بْمَالَهْ وَ مْجَوَعْ ... وَ الخَبَازْ يَدْفَعْ ... وَ الدَالَة سْنَاسَلْ
يَقْوَاوْ الغَاشِي ... بَلْقَاعَدْ بَلْمَاشِي ... شِي مَا دَارِي بْشِي ... تَحْسَبْهُمْ اَنْمَلْ
يَهَجْرُو الدُوَارْ ... لَلْمُدُنْ لُكْبَارْ ... يَبْقَاوُ فِي زَيَارْ ... يْقُولُو فْلاَنْ رْحَلْ
يَسَكْنُو غِيرَانْ ... كِمِثْلْ الفِيرَانْ ... لَلْمْدِينَة جِيرَانْ ... تُوصَلْهَا بَرْجَلْ
تَكْثَرْ الدَرْسَة ... رُجَالَة وَ النِسَاء ... مَا تْفَرَزَلْهُمْ لَبْسَة ... مَا بِنْهُمْ الكُلْ
التِجَارَة بالمْثَلْ ... على اسَاسْ الاكْلْ ... لاَ مْفَوَرْ لاَ فْتَلْ ... تَرْفَدْ اللَي طَوَلْ
اَكَلْهُمْ اَقْوَابسْ ... وَ اللْحَمْهُمْ مْكَمَسْ ... مْدَوَرْ وَ مْخَرَسْ ... لَلْحْنَشْ يَتْمَثَلْ
كْلْ شْبَرْ تَاجِرْ ... مْعَ جِيبَكْ اَحْذَرْ ... ذَا وُ ذَا فِي يْحَامَرْ ... سُوقْ سَمَوَهْ اكْحَلْ
بَلْمْيَاتْ الؤُولوُفْ ... مَا تْعَمَرْشْ الكْفُوفْ ... فِي سُوقْ الخَاطوفْ ... كِي بْنِي يَحْتَلْ
تَنْقْلَبْ الحَيَة ... وَ المِيزانْ بَخْفِيَة ... الكَرْشَة مْعَ الرِيَة ... عْلى البُكْرَة تَكْمَلْ
اللْحَمْ وَ الحُوتْ ... غِيرْ شُوفْهُمْ وُ فُوتْ ... كِسُومَتْ اليَقُوتْ ... وَحْرَزْ لَتَساءَلْ
وِيلاَ بْغِيتْ سُوقْ النَارْ ... قَدَمْ عَنْدْ الخَضَارْ ... لاَحَقْ بَاشْ تَخْطَارْ ... غِيرْ اَدِي وَ قْبَلْ
بِينْ لَيْلاَ وَ نْهَارْ ... يْبَدْلُو لَسْعَارْ ... كِي بْغَاوُ التُجَارْ ... وَ العَاقَلْ يَهْبَلْ
بِينْ لَيْلاَ وَ نْهَارْ ... يْبَدْلُو لَسْعَارْ ... كِي بْغَاوُ التُجَارْ ... وَ العَاقَلْ يَهْبَلْ
حَتَا مُولْ الحَرفَة ... امْدَوَرْهَ خَطْفَة ... لاَ نِيَة لاَ صْفَا ... عَلى المَدْخُولْ جْهَلْ
تُجَارْ مْرَفْحِينْ ... بْسَنْيَوَاتْ اللَعْجِينْ... مَا يَبْقَ طَاجِينْ... مَسْكِينْ يْبَلْبَلْ
اَشْوَارِيعْ بِالدِيوَانْ... مْعَمْرِينْ بِالنِسْوَانْ ... عَلَى اُفْوامِهَم دُخَانْ... فِي المَشْيةُ تُغْتَلْ
عَشْرَة عَلى رَاجُلْ... مَا سْبَقْهُمْ اَحْتَلْ ... وَ العَرضْ مْبَهْدَلْ ... فِي وسْطَه تْشَلْ
وَ تْجِي دَنْدَانَة ... مَكْشُوفَة عَرْيَانَة ... وِيْقُولُو فْلاَنَة ... كَتَعْرَفْ اَتْبَدَلْ
هَذَا يَمَلْكُوه ... عْلَى خَيْمْتَه يَدُوهْ ... بَالوَعِيِ يَصَنْعُوهْ ... حَتَى مَالَه يَكْمَلْ
اَفْلاَنَة و الاَ فُلاَنْ ... رُجَلَة ُ و الاَ نِسْوَانْ ... يَتْغَيَرْ الِانْسَانْ ... فِي صِيفَتُه يَتَبَدَلْ
تَدْهَشْ يَا لَطِيفْ ... مِنْ هَدَا التَصْرِيفْ ... الخَاطَرْ يْعِيفْ ... مُسَخْ مَا يَغْسَلْ
الرَاجُلْ كِي القُنْطَاصْ... لْوَالُو رَقَاصْ ... فِي وَدْنِيه اخْرَاصْ... تَايَه كَلِي هْبَلْ
تْوَلِي المَراة تَحْكَمْ ... وَ الرَجُلْ يُسَلِمْ ... لُوكَانْ يَتَكَلَمْ ... قُولُو غَادِي يَحْصَلْ
يْوَلِي مُولْ الاَمْرْ ... اللِي يْتَاجَرْ فَالخَمْرْ ... هُوَ كْبِيرْ القْدَرْ ... وِينْ بْغَ يُوصَلْ
العْقَاقَرْ و النَشْوَة ... تَكْثَرْ وُ تَقْوَى... فِي حُكْمْ الرَشْوَة ... العُوقُبَة تَبْطَلْ
كِالقَادِي كِالوَكِيلْ ... مَشْرِيِنْ مَنْ قْبِيلْ ... اوِيحْ القَلِيلْ ... حَقَه وُ يَنْدَلْ
تَكْثَرْ الدْوَاسْ ... وُ يَنْدَلْ العَسَاسْ ... مَايَدْخُلْشْ اللَحْبَاسْ ... اللِي بْمَالَه وَ لَوْ يُقْتَلْ
شُوفُو ارْضْ الغَرْسْ ... حَتَى هِيَة تَفْلَسْ ... مَنْ فْلَحَتْهَ تِيبَسْ ... يَبْنُوهَ حْجَرْ وَ رْمَلْ
مْعَانْدَاتْ بَنِي لقْصُورْ... وَالسْوارِيجْ بْحُورْ... تَكْثَرْغِيرْالتَفَخُورْ... وَ سْحَرِجْهَ (تْحَرِجْهَ) حْبَلْ
عَلَى وَجْهْ القَايَدْ ... يَبْنُو مَسَاجِدْ ... وَ القُلُوبْ مَا تَعْبَدْ ... عَلَى القَبْلة غَافَلْ
لاَ قَافْ وَلاَ مَعْنَة ... فِي المَدْحْ وَ الغْنَا ... القْرَازِي مْحَنَ... وَ اليَدِينْ اَتْشَلْ
اَعْقُولهَمْ مَخْرُوبَ ... كُلْهَ مَسْلُوبَ ... ذَا لذَا نُوبَ ... فِي اَعْنُوقْهَمْ سْنَسَلْ
مَنْ بَعْدْ عَشْرِينْ عَامْ ... يَنْسَا دَلْغْرَامْ ... وَيْوَلِي مُولْ لَكْلَامْ ... وَالشَاعَرْ يَفْصَلْ
تُقْعَدْ المُدَة ... وَتْجِي وَحَدْ الخَوْضَة ... و يْنُوضُو نَوْضَة ... وحُكَمَتْه تَتْبَدَلْ
تُقْعَدْ المُدَة... وَتْجِي وَحَدْ الخَوْضَة ... و يْنُوضُو نَوْضَة ... وحُكَمَتْه تَتْبَدَلْ
لخْوَاطَرْ تَنْغَمْ ... وَ لَهْمُومْ تَتْلَايَمْ ... و الفْوَايجْ تَصْدَمْ ... تَضَحَى مَتْقَابَلْ
يُوقَعْ التَخْرِيبْ ... نِيرَانْ اَحْيُوطهَا تْرِيبْ ... بَلْسَنَاتْ العَيْبْ ... اَتْعَيَطْ و تَصْهَلْ
نُورِكُمْ مَرَة ... و تَسْرَ غُبَارَة ... يَقْوَاوْ الهَدَارَة ... وَاحدْ مَا يَفْعَلْ
يَنْفَقْدُو لَحْبَابْ ... ويَكَتْرُو لَحْزَابْ ... اَسَعْدْ الِي صَابْ ... وِينْ هْجَرْ هْمَلْ
يَامَقْوَاكْ اهْجَرْتْ ... لَلْفْضِيحَة مَا حْضَرْت ... كَانْ انْتَ صُبْتْ ... تْشُوفْ لاَ كَانْ اَظَلْ
الفْظَايَحْ صَايْرَ ... وَرْفَاقْ مَتْعَايْرَ ... اِلاَ لَدَيْرَ ... اَشْكُونْ يَوْصَلْ اَقْبَلْ
يَتْكَلَمْ زَايَدْ ... وُاَمْرُ عَايَدْ ... وَنْوَلِي قَايَدْ ... اَنْدِيرْ و نَفْعَلْ
الْجَايَحْ مَنْ لَعْيَابْ ... و رَافَدْ الكِتَابْ ... مَاكَانْ لِيه اصْوَابْ ... لَلْمَرْتْبَ يْحَوَلْ
تَغْيِيرْ الاَيَة ... و لَحْلِيفْ بَخْلاَيَة ... وَ البَايْعِينْ شَرَايَة ... و المُومَنْ يَنْدَلْ
و يَرْكَبْ اُغْضَابْ ... جْوَايَه امْزَابْ ... لَا ضَمِيرْ ادَابْ ... بَدْمُومهَ تَكْمَلْ
كُلْ صْحُورْ دْوَاتْ ... اَمْخَانَقْ وَ تْوَاتْ ... و اَهْلْ النَقَبَاتْ ... اُمَلِينْ اَمْكَحَلْ
تَتْزَيَرْ بْشَدَة ... علَى طْعَامْ الوَعْدَة ... تَوْقَعَلْهُمْ فَوْضَة ... كُلْ عَرْسْ اَمْهَوَلْ
عَادَتْنَ تَسْرَ ... وَالطُلْبَ تَقْرَا ... وَنْدِيرْ مَا تَسْرَ ... لُوكَانْ مَا تُوصَلْ
مَا اعْظَمْ دَاكْ اليَوْمْ ... بَوْقَاتُو مَرْسُومْ ... يْجُو فِيه لَهْمُومْ ... علَى الخَلْقَة كَامَلْ
علَى حْسَابْ لَعْمَارَة ... يْنُوضُو الجَزَارَة ... احْدَ المَقْبَرَة ... وَ النَاسْ تَتْقَاتَلْ
فِي دِيكْ البَطْحَة ... العْبَايَة و السَبْحَة ... و النَاسْ مَطْنَاطْحَة ... اِماَنِي وَشْمَلْ
وَجْوايَه هَظَايَة ... وَصْدُورْ عْرَايَة ... وَ النَارْ مَنْ الزَايَة ... و المَسْكِينْ يَنْذَلْ
رِيسَانْ بِاشْوَاشِي ... اعْرَايَ و حْواَشِي ... كَامَلْ ذَالْغَاشِي... مَالِيهُمْ اَمْثَلْ
تَكْثَرْ الحُقْرَة ... وَتْفِيضْ الهِجْرَة ... هَادْ الشِي يَسْرَ ... يَمْرَارْ اللِي عْسَلْ
مِنْ الْمْدِينَة لَرِيفْ... كُلْ لْحُكْمْ ضْعِيفْ ... يَتْصَرَفْ بَخْفِيفْ ... فِي تَمْيَازُ اَحْصَلْ
الخَلْقَة مَشْغُولَة ... كُلْهَا مَدْبُولَة ... المَحْكُومْ وَ الدَوْلَة ... مْخَوَضْهُمْ اسْفَلْ
الخَلْقَة مَشْغُولَة ... كُلْهَا مَدْبُولَة ... المَحْكُومْ وَ الدَوْلَة ... مْخَوَضْهُمْ اسْفَلْ
تَبْقَ كَاذَا مَنْ يَوْمْ ... بَاشْ تَتْفَاجَى دَالهُمُومْ ... مَا يَعَرْفُو الظَالمْ ... ماَيَعَرْفُو المَظْلُومْ اَقْبَلْ
فِي نَوَاحِي اخْرِينْ ... رَاهَمْ يُجُو سْنِينْ ... بِالكُثْرَة كُحْلِينْ ... هْنَا نَعْطِيكْ امْثَل
يْقَلْ المَعَاشْ... فِي ارْضْ الحَبَاشْ ... وتَلْتَمْ لَعْرَاشْ ... لَامَنْ عْلِهُمْ يْسَوَلْ
يَوْقَعْ فِيهُمْ الرُوعْ ... العَطَشْ معَ الجُوعْ ... لاَكَلمَه مَسْمُوعْ ... عْيُونْهَمْ تَتْخَايَلْ
حْلِيبْ المَعْزَة ... يَنْشَفْ مَنْ اللَغْزَة ... عَشْرَة فِي خُبْزَة ... وَ الجُوعْ يْقَتَلْ
يْجِيهُمْ وَاحَدْ المَرضْ ... مَايَلْقَاولُو سَد ... الفْرِيسة مْعَ الجَلْدْ ... و العْظومَة تنسَلْ
مَنْ الزِينَة يُمْرَقْ ... كُلْ بْلَادْ يَلْحَقْ ... يْدَمَرْ وُ يَلْصَقْ ... وِالَا طَوَلْ يُقْتَلْ
فِي بَحْثْ العِلَاجْ ... مَسْلَمْ الاَطْرَاجْ ... بِيَدِيه الفَرَاجْ ... وُيَنْهِيهَا كَامَلْ
الكُفَارْ تْغِيرْ ... و اَهْلْ العِلمْ تْحِيرْ ... فِي هَادْ الخَبِيرْ ... فِي خْفِية يُوصَلْ
وُيَعَرْدُوهْ رِيَاسْ ... بِشَرْحْ الكُرَاسْ ... يَفَرْحُو بِالخَصَاسْ... وِيْجَازُوهْ اَقْبَلْ
بَعْدْ هَدْ الدَمَارْ ... يْجِي مُولْ الزَمَارْ ... يَخْلِ شْحَالْ مَنْ دَارْ ... شْكَاوِيه تَتْخَلْخَلْ
ويْنُودْ وَاحَدْ الدَمَارْ ... علَى الحُدُودْ جْوَارْ ... فَاخَة مِنَ الكُفَارْ ... طَاحْ فيهَا الِي غْفَلْ
مَنْ هَدْ البَلْبَلَة ... تَسْرَ شَعَالَة ... فُرْسْ و كَرْبَالَة ... بِينَتْهُمْ تَشْعَلْ
تَقْوَى دَنِيرَانْ ... مَا بِينْ الجِيرَانْ ... ويَنْهْزَمْ الاِنْسَانْ ... مَنْ هُوَ الِي قْبَلْ
فُوقْ تَسْعِينْ شْهَرْ ... كُلْ مْدِينَة قْبَرْ ... مَنْ يَكْسَبْ الخَبَرْ ... الجَرِيحْ و المُوقَاتَلْ
ويْجُوهَمْ فَالجَاهْ ... ويْقُولُو هَدَا عْلاَه ... مَنْ هُوَ اللِي بْدَاهْ ... يَكْتَبْ الاَوَلْ
و يْنُوضْ هَادْ الحَرْبْ ... بِسَبَبْ الغَرْبْ ... بِينَتْهُمْ حَرْبْ ... مَنْ كُلْ مْسَيَلْ
وَجْوَايَهْ الشَرْقْ ... نَاسْهَ تَنْفْرَقْ ... كُلْ شِئ يَنْحْرَقْ ... وَحْيُوطْهَا تَرْدَلْ
مَتْخَلْطِينْ فَالدمْ ... مَسِيحْ و مُسْلَمْ ... مْدِينَتْهُمْ تَنْهْدَمْ ... مَنْ كُلْ جِيهَ شَاعَلْ
كُلْ يَوْمْ لِيهُمْ هَوْلْ ... و يَكْثَرْ القَوْلْ ... وعْدَابْهُمْ يْطُولْ ... غَابْ المُمَتَلْ
تَبْقَ غِيرْ اخْوِيضْ ... فِي حَرْ الشَدِيدْ ... غِيرْ الحَرْبْ و الحُزْنْ يْزِيدْ ... ذَا فِي ذَا يَنْعَلْ
مَا يَقَسْمُوهَا ... وَ لاَيْمَدُوهَا ... حَتى يْجِي مُولاَهَا ... يَنْعَرْ وُ يَنْعَلْ
يَهْمَدْ دَاكْ لُغْنَانْ ... ويْطِيحْ الثُعْبانْ ... وتَتْلَمْ السُكَانْ ... و الرَاحَة تَنْزَلْ
وُكَدَا مَنْ رَحْبَة ... وَالحَرْبْ بْلَ سَبَة ... حَتَى تَحْسَبْهَا لَعْبَة ... وجُنُودْهَا تَتْقَاتَلْ
وتْوَلِي مَشْدُودَة ... عْلَى مْسَايَلْ مَعْبُودَة ... اخْوَارَزْ و هْنْودَة ... وكَاشْمِيرْ يْغُلْ
كُلْ دِيكْ الجِيهَا ... نِيرَانْ عْلِيهاَ ... ويَبْقَا فِيهَا ... حَسْ المَحْبَلْ
مَنْ الهُولْ يَرْكَبْ ضِيقْ ... جْوَايَهْ لَافْرِيك ... تَبْقَ غِيرْ احْرِيق ... مَنْ بْغَاهَا يَحْتَلْ
كُلْ يَوْمْ البَارُودْ ... فِي دِيكْ ابْلَادْ السُودْ ... نَشْرَ لَلْؤُسُودْ ... وُتَبْقَ لَنْمَلْ
كُلْ يَوْمْ البَارُودْ... فِي دِيكْ ابْلَادْ السُودْ ... نَشْرَ لَلْؤُسُودْ ... وُتَبْقَ لَنْمَلْ
اعْنَاصَرْ زَغْرُودْ... سَمَاوْهَمْ اليَهُودْ ... نَصْبُلْهَمْ جُدُود... قَالُوُ كَانُو قْبَلْ
اعْطَوْهَمْ التَسْرِيحْ ... بِدَعْمْ المَسِيحْ ... مَنْ كَانْ عْلِيهُمْ اقْبِيحْ... يَبْدَ عْلِيهُمْ يَخْصلْ
رَسْلُو مَنْ كُلْ بْلاَدْ... مَنْ قَوْمْ هَادُو لَعْبادْ ... هَاكْدَ عَدَدهُمْ يَنْزَادْ ... مَنْ كُلْ جِيهَ تَرْسَلْ
مُولْ الحَقْ تْغَرَبْ ... وبَاقِي يَتْعَذَبْ ... مَاصَابْ بَاهْ يْزَرَبْ ... رَاكْبِنُو كُلْ عْلَالْ
فِي كُلْ بْلَادْ يَبْكِي ... علىَ حَقَهْ يَشْكِي ... مَا صَايَبْ مَتْكَاكِي ... يَنْعَرْ عَنَهْ يُوصَلْ
حَتَى يْجِي مُولْ السَيْفْ... هُوَ مَنْ دَارْ النِيفْ ... مَنْ مَكَانْ الشَرِيفْ... وُيْهَجَرْهُمْ كَامَلْ
بَعْدْ سْنِينْ حْسَابْ ... يْجِي هَدَا بُونْقَابْ ... يفْتَحْ هَادْ الشَبَابْ ... الاَرْضْ المُفَضَلْ
ويَرْكَبْهُمْ هُولْ ... مَنْ هَادْ الرَجُلْ ... المُولُوكْ بَلْكْمُولْ ... مَنْ وْكَارْهَا تَنْزَلْ
يْقُولُو هَدَا مَهْبُولْ ... غَادِي يْعَانَدْ غُولْ... مَايْشَدْشِي لَطُولْ ... لَابُدَ يَفْشَلْ
دَا مَقْيُومْ اصْدَكْ ... وُمَنْ عَنْدْهُمْ ادْرَكْ ... نِيرَانَهْ اتْزُوَكْ ... مَنْ كُلْ جِيهَ شَاعَلْ
اَكْبِيرْهَمْ رَمْلْاخْشَة ... وتَرْكَبْهُمْ الدَهْشَة ... دَا قْعَدْ و دَا مْشَا ... وَ حْوَالْهُمْ فَاشَلْ
ثُمَ يَنْدْمُو فَالحِينْ ... مْنِينْ يَنْفْرَقْ الصِينْ ... مَعَرْفُوشِي مْنِينْ ... الثَانِي مَنْ الخَيْطْ نْسَلْ
اَشْهَرْ و رَبْعَيَامْ ... وُدُخَانْهَا غْيَامْ ... ثُمَ يَرْفَدْ العْلاَمْ ... وَ العَدْيَانْ تَرْحَلْ
مَنْ دَفْعَ و جَاتْ ... و عْلِيهَ كُلْ فْرَاتْ ... مَنْ بَعْد الهَوْل سْكَاتْ... و ضْمَيَرْهُمْ تَتْبَهْدَلْ
يَبْقَ هُوَ مَبْصُوطْ ... مْنِينْ يَخْتَمْ الشُرُوطْ ... مَنْ قَالُو مَخْرُوطْ ... مْعَ رَيَه وْصَلْ
مُولَ هَادْ التُرَابْ ... عَرْبِي مَنْ عَرَابْ ... ويْلايَمْ الطُلاَبْ ... بِالعِلْمْ تْمَوَلْ
مَنْ نزعاتوُ بْرَا ... وُفَصْلَتْ الهَبْرَة ... مُولاَهَا رَاه اَبْرَا ... وَيْبَسْ الجُرْحْ كَامَلْ
اللِي مَقْسُومْ و وَلَ ... وُلَايَمْ المَلَة ... و يْعَدَلْهَ جُمْلَ ... لَلْحَرْبْ مْعَوَلْ
بَعْدْ سْنِينْ يْنُودْ ... بَارُودَه بَارُودْ ... و الخَلقَة مَنَهْ مَصْعُودْ ... مَنْ غِيرْ نَرَهْ تَشْعَلْ
يَبْدَ بْلَتْرَاكْ ... وَيْسَلْمُو بْلَ عْرَاكْ ... يَحْتَلْ حَتَى لَرْزَاقْ ... وُمْوَالِهَا تَنْدَلْ
يَبْدَ بْلَتْرَاكْ ... وَيْسَلْمُو بْلَ عْرَاكْ ... يَحْتَلْ حَتَى لَرْزَاقْ ... وُمْوَالِهَا تَنْدَلْ
وِيْدُورْ اللُخْرِينْ ... مِينْ يْقُولُو الحُمْرِينْ ... يَضْحَاوُ مَتْقَابْلِينْ ... سَانَة وَ الاَ قَلْ
وُعَيْنِيهْ لَلْفُرْسْ ... بَاقِ عْلِهُمْ يْعَسْ ... بِينْ الطُرْقْ الخَمْسْ ... مَنْ عْلِهُمْ يْجَوَلْ
وِيْحَطَمْ المِيثَاقْ ... مَنْ خَطَهْ بُوسْحَاقْ ... تُهْرَبْ السُرَاقْ... قَبْلْا الاَ يُوصَلْ
مُولَ عْلى بُنْيَانْ ... مَنْ بَعْدْ يْوَلِي دَهْشَانْ ... خَايَفْ مَلَفْتَانْ ... خَايَفْ عْلَ لُخْرِينْ يَغْفَلْ
بْشُرُوطْ النُعْرَة ... قَالُو بْنِي مُرَة ... مَاتَبْقَ حُقْرَة ... و النَاسْ تَتْعَدَلْ
بَاهْ يَزْهَا المَغْبُونْ ... فِي كُلْ المُدنْ ... مَايَبْقَى مَسْجُونْ ... لاَحُكْمْ البَاطَلْ
ويصْنَعْ صَاطُورْ... فَايَتْ البَابُورْ ... بِيه هُوَ مَشْهُورْ ... علَى النَاسْ يْجَوَلْ
ويَصْنَعْ قَزَانَة ... تَعْلَمْ الوَزَانَة ... وَتْخَبَرْ اللِي بَعْدَانَ ... حَتَى هُوَ هَامَلْ
مَنْ مْنَامِي نَفْطَنْ ... هدَا لِيَا اَحْسَنْ ... نَاضْ الفَجْرْ يْاَذَنْ ... لِلصَلَاةْ نَتْقَبَلْ
بْحَقْ مُولْ الحَقْ ... هُوَ شَفِيعْ الخَلقْ ... هَذَا صَارْ مْحَقَقْ ... شَفْتَهْ مْفَصَلْ
شَفْتَه بِينْ رْقَادْ ... مَا لِيَا وْسَادْ ... سَبْقُونِي لَسْيَادْ ... صَابُو لِيهَا الحَلْ
فِي الالفْ و المِيتِينْ... وثنِينْ و تَسْعِينْ ... و سْبُولَتْهَا يَا وَقْفِينْ ... والحْصَادْ بِالمَنْجَلْ
اسْبَقْنِي بَلْوَهْرَانِي... فْتَهَا بَمْعَانِي ... فَالوَزْنْ وَرانِي ... لِيه كِفَاشْ انْمَثَلْ
وكُلْ السَاداتْ ... بَلْبُرْهَانْ خَلَاتْ ... قَالُوهَا وَصْرَاتْ ... بِالحُكْمَ نَتْوَصَلْ
نَخْتَمْ هَادْ النَصْ ... وَاِسُمِي مَايَنْدَسْ ... العَبْدْ اللِي بُوحَفْصْ... المَعْرُوفْ بِالزْنَاقِي
فِي الغَرْبْ تْلَاقِي ... المَعْرُوفْ بالزْنَاقِي ... حْدَاه زُوجْ سْوَاقِي ... دَشْرَ تَحْتْ جْبَلْ
مَاء فَايَضْ رَزْقِي ... وَنْعَشَرْ بْحَقِي ... و اِيمَانِي تَاقِي ... والله ما نَتْبَدَلْ
قَانَعْ بَلِي عَنْدِي ... و بْخَيْمْتِي يَا سَعْدِي ... ومَا يَأكُلْ عَوْدِي ... لَشْهَبْ رَاه مْطَاوَلْ
يَا مُولْ الدَارِينْ ... وبْجَاهْ مَفْتَاحْ الدِينْ ... بْرِيضَاكْ لِياَ عْوِينْ ... فِي يَوْمْ اللِي نَتْقَبَلْ
بْجَاه احْسَنْ وَالحُسَينْ ... وَ بْجَاه المُوجَاهِدِينْ ... يْكُونُو لِيَا جُوَارِينْ ... يَا إلَاهِي و قْبَلْ
وَ بْجَاه الاَنْبِيَاء ... و الصَّبيِ و الصَّبِية ... ومْعَ اهلْ النِيٌّة ... ومُحَمّدْ نُوصَلْ
انْزُورْ دَاكْ المَقَامْ ... و الصَلَاةْ عَلى لَكْرَامْ ... وَالمْبَايْعَ وَ السَلَامْ ... ونَرْجَمْ المَنْعَلْ
بْجَاهْ خْيَارْ الطُلْبَة ... وبْجَاه عَشْرَة الصَحَابَة ... و القُرْآنْ و الكَتْبَة ... و الوَالِدِينْ مْثَلْ
طَايَعْ الرَّبِي ... و مُحَمَّدْ النَبِّي ... مُسْلِمْ عَرَبِي ... هَاكْدَ نَاوِي نَوْصَلْ
جَاي بِيهْ ابْشِيرْ ... عْلى خَطَرْ التَفْسيرْ ... بَحْرُوفَهْ اتسِيرْ ... لَخَتْمة نتْوصَلْ
اسْنِينْ مْع صْحابْ الخَيْرْ... في وَهْرانْ عشيرْ ... مْع لَحْبيبْ و البَشيرْ ... ولكْحَل اسْمَهْ بُو مْظلْ
وْسِيدْ احْمدْ الشُرفي ... والخْديمْ الحَنافي ... رَسْلوهُمْ لَلمَنْفي ... في سْفايَن تتْمايَل
هُما ستة صُدْقان ... خَمْلوهُم العَديان ... واحد منْهُم ما بان ... على كَرْعِيهُمْ خْلاخَلْ
من فَرقَتْهُم ابْكِيتْ ... ولْدَشرتي ولِيتْ ... وختمْت كل الحْديتْ ... جُوساسو تتْختَل
هَاذْ الزريعة مرة ... وايتبعو الجرة ... تهدا على برة ... وعْلى غَفْلَة تدْخُلْ
عْلى كُل خَيْمَة جُوسَاسْ... بالكْنَبيشْ عْلى الرَاس ... ومَعْلُومَات الاسَاسْ ... لَلْعَرْبي يَتْمَثَل
وَحْشْ لفْرَاق المْدِينَة ... دِيكْ وهران الزينة ... حبابنا خلينا ... في دا و داك نتخايل
امشاورْ بعياد ... فوقهم سياد اسياد ... حر البرود اَشْدَادْ ... مَخْدُومْ اَمْنْ امْصَيَل
بَمْكَاحَلْ بَجْعَبْ اكْبَارْ ... تَعْمِرَ اَتْهَزْ الدُوَارْ ... البُودَالِي و المُخْتارْ ... يْعَيْرو مَنْ يَدْخُلْ اقْبَلْ
دَرْوَكْ رَانِي مَغْمُومْ ... وَبْلاَ بِيهُمْ مَهْمُومْ ... لوُ نْشُوفْهُمْ فالنُومْ ... نَهْمَدْ بَعْدْ امْهولْ
حَامِي جَسْدِي فَايَرْ ... دَا اَمْرْ بِيَا صَايرْ ... وَلَعْرَقْ بَصْرايَرْ ... كِلْوَادْ عْليَا حَامَلْ
اَرْقَتْ مْغَلْغَلْ ... شَفْتْ مْنَامْ اكْحلْ ... السَالَكْ يَحصلْ ... وِيلَ مْلِيحْ يْفَوَلْ
بَانْ لِي وَاحدْ لَخْوِيضْ ... رَاكَبْ النَاسْ الغَيْضْ ... ويْشَالُو باليَدْ ... دَا في دا يَرْكَلْ
اتْنُودْ الفَقْعاتْ ... بَرْواحمْ ضَحاتْ ... والاُلوفْ مْضَاتْ ... على غَفْلَ تَتْقَتَلْ
بعْدْ سْنَينْ اطوَالْ ... نَحو عَشْرَ بَحْوَالْ ... يْنُودْ الحَلاَلْ ... بزْعامَ يَخْصَلْ
يْنُودْ بِاسْمَهْ مَعْرُوفْ ... بَالخْنَاجَرْ وَ السُيُوفْ ... مَا يَرْضَى بالخَوْف ... رَافَدْ المَنْجَلْ
مَنْ اَجْلْ الحَقَارْ ... غَدِي تَقْدِي نَارْ ... المْدِينَة و الدُوارْ ... وُ لِهُمْ تَوْصَلْ
وُ تَبْدَا لَرْسَالْ ... لْمَرَتْ لَجْبَالْ ... المْجَرَبْ يْنَالْ ... وعْلِيهَمْ مَا يَغْفَلْ
يَحْصَدْ فيهَا حْصَادْ ... غَاشِي وَ وْلاَدْ ... يَخْلَفْهَ بَزْيَادْ ... يْكَمَلْ المْتِهَلْ
وَتْنُودْ دَ نَفْرَ ... الدَاخَلْ وُ بَرَ ... مَا يْصِيبَلْهَ جَبْرَ ... حَدْرِي يَتْخَتَلْ
شُوفْ مَزْيَنْ دَا الهُولْ ... المَتْشَوَرْ مَدْبُولْ ... مَا يْصِبَلْهَ حُلُولْ ... يْزِيدْ هُوَ يَحْصَلْ
اعْقُولْهَمْ تَفْلَسْ ... كُلْ سُوقْ لِهُمْ رَايَسْ ... فِي ضْمِرُ غَايَسْ ... وَاحَدْ مَا يَوْصَلْ
يَلْغَاوُ لَلْخَبِيرْ ... فِي رَيَهْ كْبِيرْ ... مَا يْصِبَلْهَ تَدْبِيرْ ... يْزِيدْ هُوَ يَحْصَلْ
غِيرْ يَلْغَ وِيْصِيحْ ... لاَ اَسَاسْ صْحِيحْ ... مَنْ حُكْمَهْ يْطِيحْ ... يَسْمَحْ وُ يَرْحَلِ
لِي يَرْعَاهْ بَلْجُودْ ... شَهْرْ لَحْرِيرْ عْدُودْ ... فَوْقْ وَرْدَة مَرْفُودْ ... مْعَ مْنَامِي مَايَلْ
الِي مَنْ شَقْ لَبْحَرْ جَا ... وَحْتَلْ العَرْجَ ... رَاهْ عَنْد الخَرْجَ ... وُ هُوَ يَتْبَهْدَلْ
يْرُوحْ مْحَوَجْ ... مَنْ رَايُو مْعَوَجْ ... يَبْكِي عَنْدْ البُرْجْ ... وَسْفَيَنْ تْحَوَلْ
تَبْقَىَ لَرْزَاقْ ... مَنْ عْلِهَا مَشْتَاقْ ... و لَوَلْ عْليِ دَاقْ ... يَلْغَ لَلْغَافَلْ
غِيرْ حَوَلْ وَ اَدِي ... وُقُولْ اَسَعْدِي ... هَذَا وَرْثْ عَنْدِي ... شْكُونْ عْلِيه سْاءَلْ
مَنْ بَعْدْ الزَرْدَ ... وَاحَدْ الاَمْرْ يَبْدَ ... مَنْ هُو وَكْدَ ... يَبْدَ بِهَا يَعْدَلْ
قَالُو هذَا شَرَافْ ... وُ يَعْدَلْ بْلَطْرَافْ ... يَبْنُولَهْ مَنْدَافْ ... وَيْدَخْلُوهْ لَلْغَوَالْ
وَيْجِي وَاحَدْ الحُكْمْ ... اَمْزَيَرْ بِالاسْمْ ... وَحْدَهْ يْرَسَمْ ... كِمَا قَالْ اقْبَلْ
وُمَنْبَعْدَهْ يِجِي ... وَيْقُولُو دَا نَاجِي ... مَا يْفَكْ مَا يْحَاجِي ... مْعنَا يَتْعَادَلْ
اللَوَلْ يَجْنَ ... وَالثَانِي يَفْنَ ... و الثَالثْ مَا يَهْنَ ... فِي دَا وُ دَاكْ يْعَقَلْ
تَبْرَدْ دِيكْ النَارْ ... وْلاَ يَبْقَا عَارْ ... وْيَتْعَدَلْ الجَارْ ... وَالمَشُورَةْ تَفْصَلْ
يَصْرَ عَاهَدْ جْدِيدْ ... كُلْ سِيدْ مْعَ سِيدْ ... وَ تْوَلِي بَلْ مُوفِيدْ ... وُ سُوقْهُمْ يَتْبَدَلْ
تَنْدارْ العُقُودْ ... مَا لِيهَا حُودُودْ ... وِينْ بْغِيتْ تْعُودْ .... عْلَى خَاطَرْ تَسْهَلْ
اسْنِينْ تَتَرْصَ ... على دِيكْ الرُخْصَة ... وُ تَهْدَفْ القَصَةْ ... وَ الشُرْكَة تَفْصَلْ
اِنُوضْ وَاحَدْ الهَوْلْ ... عَلىَ وَادْ الغَسُولْ ... كِالقَتَلْ كِالمَقْتُولْ ... وُ فِيهُمْ تَنْعَلْ
تَطْوَالْ المَشُورَةْ ... بالمْعَايَرْ و الهَدْرَ ... وَ تْجِي دِيكْ النَفْرَ ... وَ عْلِهَ يَسْلَكْ لَخْبَلْ
بَعْدْ وُقَاتْ تْجِي ... يْجِيحْ اللِي سَاجِي ... لاَ وِينْ يْفَاجِي ... فِي مْكَانَهْ يَعْطَلْ
يَبْقَ تَلَفْ الرَائِ ... غِيرْ رَيَحْ وُ جَايْ ... لاَ قَهْوَة لا لَتَايْ ... كُلْشِ عْلِيهْ قْفَلْ
يَضْحَى الوَقْتْ يَجْرِي ... الاَ بْلَ مَا تَدْرِي... مَا تْصِيبْ مَا تَشْرِي ... وِينْ بْغِيتْ تُوصَلْ
السَلْعَة تُنْقَسْ ... فِي المْخَازَنْ تَنْدَسْ ... مَا يَبْقَ يَابَسْ ... دَخَلْهَ يَغْمَلْ
الخَلقة مْرَوَعْ ... بْمَالَهْ وَ مْجَوَعْ ... وَ الخَبَازْ يَدْفَعْ ... وَ الدَالَة سْنَاسَلْ
يَقْوَاوْ الغَاشِي ... بَلْقَاعَدْ بَلْمَاشِي ... شِي مَا دَارِي بْشِي ... تَحْسَبْهُمْ اَنْمَلْ
يَهَجْرُو الدُوَارْ ... لَلْمُدُنْ لُكْبَارْ ... يَبْقَاوُ فِي زَيَارْ ... يْقُولُو فْلاَنْ رْحَلْ
يَسَكْنُو غِيرَانْ ... كِمِثْلْ الفِيرَانْ ... لَلْمْدِينَة جِيرَانْ ... تُوصَلْهَا بَرْجَلْ
تَكْثَرْ الدَرْسَة ... رُجَالَة وَ النِسَاء ... مَا تْفَرَزَلْهُمْ لَبْسَة ... مَا بِنْهُمْ الكُلْ
التِجَارَة بالمْثَلْ ... على اسَاسْ الاكْلْ ... لاَ مْفَوَرْ لاَ فْتَلْ ... تَرْفَدْ اللَي طَوَلْ
اَكَلْهُمْ اَقْوَابسْ ... وَ اللْحَمْهُمْ مْكَمَسْ ... مْدَوَرْ وَ مْخَرَسْ ... لَلْحْنَشْ يَتْمَثَلْ
كْلْ شْبَرْ تَاجِرْ ... مْعَ جِيبَكْ اَحْذَرْ ... ذَا وُ ذَا فِي يْحَامَرْ ... سُوقْ سَمَوَهْ اكْحَلْ
بَلْمْيَاتْ الؤُولوُفْ ... مَا تْعَمَرْشْ الكْفُوفْ ... فِي سُوقْ الخَاطوفْ ... كِي بْنِي يَحْتَلْ
تَنْقْلَبْ الحَيَة ... وَ المِيزانْ بَخْفِيَة ... الكَرْشَة مْعَ الرِيَة ... عْلى البُكْرَة تَكْمَلْ
اللْحَمْ وَ الحُوتْ ... غِيرْ شُوفْهُمْ وُ فُوتْ ... كِسُومَتْ اليَقُوتْ ... وَحْرَزْ لَتَساءَلْ
وِيلاَ بْغِيتْ سُوقْ النَارْ ... قَدَمْ عَنْدْ الخَضَارْ ... لاَحَقْ بَاشْ تَخْطَارْ ... غِيرْ اَدِي وَ قْبَلْ
بِينْ لَيْلاَ وَ نْهَارْ ... يْبَدْلُو لَسْعَارْ ... كِي بْغَاوُ التُجَارْ ... وَ العَاقَلْ يَهْبَلْ
بِينْ لَيْلاَ وَ نْهَارْ ... يْبَدْلُو لَسْعَارْ ... كِي بْغَاوُ التُجَارْ ... وَ العَاقَلْ يَهْبَلْ
حَتَا مُولْ الحَرفَة ... امْدَوَرْهَ خَطْفَة ... لاَ نِيَة لاَ صْفَا ... عَلى المَدْخُولْ جْهَلْ
تُجَارْ مْرَفْحِينْ ... بْسَنْيَوَاتْ اللَعْجِينْ... مَا يَبْقَ طَاجِينْ... مَسْكِينْ يْبَلْبَلْ
اَشْوَارِيعْ بِالدِيوَانْ... مْعَمْرِينْ بِالنِسْوَانْ ... عَلَى اُفْوامِهَم دُخَانْ... فِي المَشْيةُ تُغْتَلْ
عَشْرَة عَلى رَاجُلْ... مَا سْبَقْهُمْ اَحْتَلْ ... وَ العَرضْ مْبَهْدَلْ ... فِي وسْطَه تْشَلْ
وَ تْجِي دَنْدَانَة ... مَكْشُوفَة عَرْيَانَة ... وِيْقُولُو فْلاَنَة ... كَتَعْرَفْ اَتْبَدَلْ
هَذَا يَمَلْكُوه ... عْلَى خَيْمْتَه يَدُوهْ ... بَالوَعِيِ يَصَنْعُوهْ ... حَتَى مَالَه يَكْمَلْ
اَفْلاَنَة و الاَ فُلاَنْ ... رُجَلَة ُ و الاَ نِسْوَانْ ... يَتْغَيَرْ الِانْسَانْ ... فِي صِيفَتُه يَتَبَدَلْ
تَدْهَشْ يَا لَطِيفْ ... مِنْ هَدَا التَصْرِيفْ ... الخَاطَرْ يْعِيفْ ... مُسَخْ مَا يَغْسَلْ
الرَاجُلْ كِي القُنْطَاصْ... لْوَالُو رَقَاصْ ... فِي وَدْنِيه اخْرَاصْ... تَايَه كَلِي هْبَلْ
تْوَلِي المَراة تَحْكَمْ ... وَ الرَجُلْ يُسَلِمْ ... لُوكَانْ يَتَكَلَمْ ... قُولُو غَادِي يَحْصَلْ
يْوَلِي مُولْ الاَمْرْ ... اللِي يْتَاجَرْ فَالخَمْرْ ... هُوَ كْبِيرْ القْدَرْ ... وِينْ بْغَ يُوصَلْ
العْقَاقَرْ و النَشْوَة ... تَكْثَرْ وُ تَقْوَى... فِي حُكْمْ الرَشْوَة ... العُوقُبَة تَبْطَلْ
كِالقَادِي كِالوَكِيلْ ... مَشْرِيِنْ مَنْ قْبِيلْ ... اوِيحْ القَلِيلْ ... حَقَه وُ يَنْدَلْ
تَكْثَرْ الدْوَاسْ ... وُ يَنْدَلْ العَسَاسْ ... مَايَدْخُلْشْ اللَحْبَاسْ ... اللِي بْمَالَه وَ لَوْ يُقْتَلْ
شُوفُو ارْضْ الغَرْسْ ... حَتَى هِيَة تَفْلَسْ ... مَنْ فْلَحَتْهَ تِيبَسْ ... يَبْنُوهَ حْجَرْ وَ رْمَلْ
مْعَانْدَاتْ بَنِي لقْصُورْ... وَالسْوارِيجْ بْحُورْ... تَكْثَرْغِيرْالتَفَخُورْ... وَ سْحَرِجْهَ (تْحَرِجْهَ) حْبَلْ
عَلَى وَجْهْ القَايَدْ ... يَبْنُو مَسَاجِدْ ... وَ القُلُوبْ مَا تَعْبَدْ ... عَلَى القَبْلة غَافَلْ
لاَ قَافْ وَلاَ مَعْنَة ... فِي المَدْحْ وَ الغْنَا ... القْرَازِي مْحَنَ... وَ اليَدِينْ اَتْشَلْ
اَعْقُولهَمْ مَخْرُوبَ ... كُلْهَ مَسْلُوبَ ... ذَا لذَا نُوبَ ... فِي اَعْنُوقْهَمْ سْنَسَلْ
مَنْ بَعْدْ عَشْرِينْ عَامْ ... يَنْسَا دَلْغْرَامْ ... وَيْوَلِي مُولْ لَكْلَامْ ... وَالشَاعَرْ يَفْصَلْ
تُقْعَدْ المُدَة ... وَتْجِي وَحَدْ الخَوْضَة ... و يْنُوضُو نَوْضَة ... وحُكَمَتْه تَتْبَدَلْ
تُقْعَدْ المُدَة... وَتْجِي وَحَدْ الخَوْضَة ... و يْنُوضُو نَوْضَة ... وحُكَمَتْه تَتْبَدَلْ
لخْوَاطَرْ تَنْغَمْ ... وَ لَهْمُومْ تَتْلَايَمْ ... و الفْوَايجْ تَصْدَمْ ... تَضَحَى مَتْقَابَلْ
يُوقَعْ التَخْرِيبْ ... نِيرَانْ اَحْيُوطهَا تْرِيبْ ... بَلْسَنَاتْ العَيْبْ ... اَتْعَيَطْ و تَصْهَلْ
نُورِكُمْ مَرَة ... و تَسْرَ غُبَارَة ... يَقْوَاوْ الهَدَارَة ... وَاحدْ مَا يَفْعَلْ
يَنْفَقْدُو لَحْبَابْ ... ويَكَتْرُو لَحْزَابْ ... اَسَعْدْ الِي صَابْ ... وِينْ هْجَرْ هْمَلْ
يَامَقْوَاكْ اهْجَرْتْ ... لَلْفْضِيحَة مَا حْضَرْت ... كَانْ انْتَ صُبْتْ ... تْشُوفْ لاَ كَانْ اَظَلْ
الفْظَايَحْ صَايْرَ ... وَرْفَاقْ مَتْعَايْرَ ... اِلاَ لَدَيْرَ ... اَشْكُونْ يَوْصَلْ اَقْبَلْ
يَتْكَلَمْ زَايَدْ ... وُاَمْرُ عَايَدْ ... وَنْوَلِي قَايَدْ ... اَنْدِيرْ و نَفْعَلْ
الْجَايَحْ مَنْ لَعْيَابْ ... و رَافَدْ الكِتَابْ ... مَاكَانْ لِيه اصْوَابْ ... لَلْمَرْتْبَ يْحَوَلْ
تَغْيِيرْ الاَيَة ... و لَحْلِيفْ بَخْلاَيَة ... وَ البَايْعِينْ شَرَايَة ... و المُومَنْ يَنْدَلْ
و يَرْكَبْ اُغْضَابْ ... جْوَايَه امْزَابْ ... لَا ضَمِيرْ ادَابْ ... بَدْمُومهَ تَكْمَلْ
كُلْ صْحُورْ دْوَاتْ ... اَمْخَانَقْ وَ تْوَاتْ ... و اَهْلْ النَقَبَاتْ ... اُمَلِينْ اَمْكَحَلْ
تَتْزَيَرْ بْشَدَة ... علَى طْعَامْ الوَعْدَة ... تَوْقَعَلْهُمْ فَوْضَة ... كُلْ عَرْسْ اَمْهَوَلْ
عَادَتْنَ تَسْرَ ... وَالطُلْبَ تَقْرَا ... وَنْدِيرْ مَا تَسْرَ ... لُوكَانْ مَا تُوصَلْ
مَا اعْظَمْ دَاكْ اليَوْمْ ... بَوْقَاتُو مَرْسُومْ ... يْجُو فِيه لَهْمُومْ ... علَى الخَلْقَة كَامَلْ
علَى حْسَابْ لَعْمَارَة ... يْنُوضُو الجَزَارَة ... احْدَ المَقْبَرَة ... وَ النَاسْ تَتْقَاتَلْ
فِي دِيكْ البَطْحَة ... العْبَايَة و السَبْحَة ... و النَاسْ مَطْنَاطْحَة ... اِماَنِي وَشْمَلْ
وَجْوايَه هَظَايَة ... وَصْدُورْ عْرَايَة ... وَ النَارْ مَنْ الزَايَة ... و المَسْكِينْ يَنْذَلْ
رِيسَانْ بِاشْوَاشِي ... اعْرَايَ و حْواَشِي ... كَامَلْ ذَالْغَاشِي... مَالِيهُمْ اَمْثَلْ
تَكْثَرْ الحُقْرَة ... وَتْفِيضْ الهِجْرَة ... هَادْ الشِي يَسْرَ ... يَمْرَارْ اللِي عْسَلْ
مِنْ الْمْدِينَة لَرِيفْ... كُلْ لْحُكْمْ ضْعِيفْ ... يَتْصَرَفْ بَخْفِيفْ ... فِي تَمْيَازُ اَحْصَلْ
الخَلْقَة مَشْغُولَة ... كُلْهَا مَدْبُولَة ... المَحْكُومْ وَ الدَوْلَة ... مْخَوَضْهُمْ اسْفَلْ
الخَلْقَة مَشْغُولَة ... كُلْهَا مَدْبُولَة ... المَحْكُومْ وَ الدَوْلَة ... مْخَوَضْهُمْ اسْفَلْ
تَبْقَ كَاذَا مَنْ يَوْمْ ... بَاشْ تَتْفَاجَى دَالهُمُومْ ... مَا يَعَرْفُو الظَالمْ ... ماَيَعَرْفُو المَظْلُومْ اَقْبَلْ
فِي نَوَاحِي اخْرِينْ ... رَاهَمْ يُجُو سْنِينْ ... بِالكُثْرَة كُحْلِينْ ... هْنَا نَعْطِيكْ امْثَل
يْقَلْ المَعَاشْ... فِي ارْضْ الحَبَاشْ ... وتَلْتَمْ لَعْرَاشْ ... لَامَنْ عْلِهُمْ يْسَوَلْ
يَوْقَعْ فِيهُمْ الرُوعْ ... العَطَشْ معَ الجُوعْ ... لاَكَلمَه مَسْمُوعْ ... عْيُونْهَمْ تَتْخَايَلْ
حْلِيبْ المَعْزَة ... يَنْشَفْ مَنْ اللَغْزَة ... عَشْرَة فِي خُبْزَة ... وَ الجُوعْ يْقَتَلْ
يْجِيهُمْ وَاحَدْ المَرضْ ... مَايَلْقَاولُو سَد ... الفْرِيسة مْعَ الجَلْدْ ... و العْظومَة تنسَلْ
مَنْ الزِينَة يُمْرَقْ ... كُلْ بْلَادْ يَلْحَقْ ... يْدَمَرْ وُ يَلْصَقْ ... وِالَا طَوَلْ يُقْتَلْ
فِي بَحْثْ العِلَاجْ ... مَسْلَمْ الاَطْرَاجْ ... بِيَدِيه الفَرَاجْ ... وُيَنْهِيهَا كَامَلْ
الكُفَارْ تْغِيرْ ... و اَهْلْ العِلمْ تْحِيرْ ... فِي هَادْ الخَبِيرْ ... فِي خْفِية يُوصَلْ
وُيَعَرْدُوهْ رِيَاسْ ... بِشَرْحْ الكُرَاسْ ... يَفَرْحُو بِالخَصَاسْ... وِيْجَازُوهْ اَقْبَلْ
بَعْدْ هَدْ الدَمَارْ ... يْجِي مُولْ الزَمَارْ ... يَخْلِ شْحَالْ مَنْ دَارْ ... شْكَاوِيه تَتْخَلْخَلْ
ويْنُودْ وَاحَدْ الدَمَارْ ... علَى الحُدُودْ جْوَارْ ... فَاخَة مِنَ الكُفَارْ ... طَاحْ فيهَا الِي غْفَلْ
مَنْ هَدْ البَلْبَلَة ... تَسْرَ شَعَالَة ... فُرْسْ و كَرْبَالَة ... بِينَتْهُمْ تَشْعَلْ
تَقْوَى دَنِيرَانْ ... مَا بِينْ الجِيرَانْ ... ويَنْهْزَمْ الاِنْسَانْ ... مَنْ هُوَ الِي قْبَلْ
فُوقْ تَسْعِينْ شْهَرْ ... كُلْ مْدِينَة قْبَرْ ... مَنْ يَكْسَبْ الخَبَرْ ... الجَرِيحْ و المُوقَاتَلْ
ويْجُوهَمْ فَالجَاهْ ... ويْقُولُو هَدَا عْلاَه ... مَنْ هُوَ اللِي بْدَاهْ ... يَكْتَبْ الاَوَلْ
و يْنُوضْ هَادْ الحَرْبْ ... بِسَبَبْ الغَرْبْ ... بِينَتْهُمْ حَرْبْ ... مَنْ كُلْ مْسَيَلْ
وَجْوَايَهْ الشَرْقْ ... نَاسْهَ تَنْفْرَقْ ... كُلْ شِئ يَنْحْرَقْ ... وَحْيُوطْهَا تَرْدَلْ
مَتْخَلْطِينْ فَالدمْ ... مَسِيحْ و مُسْلَمْ ... مْدِينَتْهُمْ تَنْهْدَمْ ... مَنْ كُلْ جِيهَ شَاعَلْ
كُلْ يَوْمْ لِيهُمْ هَوْلْ ... و يَكْثَرْ القَوْلْ ... وعْدَابْهُمْ يْطُولْ ... غَابْ المُمَتَلْ
تَبْقَ غِيرْ اخْوِيضْ ... فِي حَرْ الشَدِيدْ ... غِيرْ الحَرْبْ و الحُزْنْ يْزِيدْ ... ذَا فِي ذَا يَنْعَلْ
مَا يَقَسْمُوهَا ... وَ لاَيْمَدُوهَا ... حَتى يْجِي مُولاَهَا ... يَنْعَرْ وُ يَنْعَلْ
يَهْمَدْ دَاكْ لُغْنَانْ ... ويْطِيحْ الثُعْبانْ ... وتَتْلَمْ السُكَانْ ... و الرَاحَة تَنْزَلْ
وُكَدَا مَنْ رَحْبَة ... وَالحَرْبْ بْلَ سَبَة ... حَتَى تَحْسَبْهَا لَعْبَة ... وجُنُودْهَا تَتْقَاتَلْ
وتْوَلِي مَشْدُودَة ... عْلَى مْسَايَلْ مَعْبُودَة ... اخْوَارَزْ و هْنْودَة ... وكَاشْمِيرْ يْغُلْ
كُلْ دِيكْ الجِيهَا ... نِيرَانْ عْلِيهاَ ... ويَبْقَا فِيهَا ... حَسْ المَحْبَلْ
مَنْ الهُولْ يَرْكَبْ ضِيقْ ... جْوَايَهْ لَافْرِيك ... تَبْقَ غِيرْ احْرِيق ... مَنْ بْغَاهَا يَحْتَلْ
كُلْ يَوْمْ البَارُودْ ... فِي دِيكْ ابْلَادْ السُودْ ... نَشْرَ لَلْؤُسُودْ ... وُتَبْقَ لَنْمَلْ
كُلْ يَوْمْ البَارُودْ... فِي دِيكْ ابْلَادْ السُودْ ... نَشْرَ لَلْؤُسُودْ ... وُتَبْقَ لَنْمَلْ
اعْنَاصَرْ زَغْرُودْ... سَمَاوْهَمْ اليَهُودْ ... نَصْبُلْهَمْ جُدُود... قَالُوُ كَانُو قْبَلْ
اعْطَوْهَمْ التَسْرِيحْ ... بِدَعْمْ المَسِيحْ ... مَنْ كَانْ عْلِيهُمْ اقْبِيحْ... يَبْدَ عْلِيهُمْ يَخْصلْ
رَسْلُو مَنْ كُلْ بْلاَدْ... مَنْ قَوْمْ هَادُو لَعْبادْ ... هَاكْدَ عَدَدهُمْ يَنْزَادْ ... مَنْ كُلْ جِيهَ تَرْسَلْ
مُولْ الحَقْ تْغَرَبْ ... وبَاقِي يَتْعَذَبْ ... مَاصَابْ بَاهْ يْزَرَبْ ... رَاكْبِنُو كُلْ عْلَالْ
فِي كُلْ بْلَادْ يَبْكِي ... علىَ حَقَهْ يَشْكِي ... مَا صَايَبْ مَتْكَاكِي ... يَنْعَرْ عَنَهْ يُوصَلْ
حَتَى يْجِي مُولْ السَيْفْ... هُوَ مَنْ دَارْ النِيفْ ... مَنْ مَكَانْ الشَرِيفْ... وُيْهَجَرْهُمْ كَامَلْ
بَعْدْ سْنِينْ حْسَابْ ... يْجِي هَدَا بُونْقَابْ ... يفْتَحْ هَادْ الشَبَابْ ... الاَرْضْ المُفَضَلْ
ويَرْكَبْهُمْ هُولْ ... مَنْ هَادْ الرَجُلْ ... المُولُوكْ بَلْكْمُولْ ... مَنْ وْكَارْهَا تَنْزَلْ
يْقُولُو هَدَا مَهْبُولْ ... غَادِي يْعَانَدْ غُولْ... مَايْشَدْشِي لَطُولْ ... لَابُدَ يَفْشَلْ
دَا مَقْيُومْ اصْدَكْ ... وُمَنْ عَنْدْهُمْ ادْرَكْ ... نِيرَانَهْ اتْزُوَكْ ... مَنْ كُلْ جِيهَ شَاعَلْ
اَكْبِيرْهَمْ رَمْلْاخْشَة ... وتَرْكَبْهُمْ الدَهْشَة ... دَا قْعَدْ و دَا مْشَا ... وَ حْوَالْهُمْ فَاشَلْ
ثُمَ يَنْدْمُو فَالحِينْ ... مْنِينْ يَنْفْرَقْ الصِينْ ... مَعَرْفُوشِي مْنِينْ ... الثَانِي مَنْ الخَيْطْ نْسَلْ
اَشْهَرْ و رَبْعَيَامْ ... وُدُخَانْهَا غْيَامْ ... ثُمَ يَرْفَدْ العْلاَمْ ... وَ العَدْيَانْ تَرْحَلْ
مَنْ دَفْعَ و جَاتْ ... و عْلِيهَ كُلْ فْرَاتْ ... مَنْ بَعْد الهَوْل سْكَاتْ... و ضْمَيَرْهُمْ تَتْبَهْدَلْ
يَبْقَ هُوَ مَبْصُوطْ ... مْنِينْ يَخْتَمْ الشُرُوطْ ... مَنْ قَالُو مَخْرُوطْ ... مْعَ رَيَه وْصَلْ
مُولَ هَادْ التُرَابْ ... عَرْبِي مَنْ عَرَابْ ... ويْلايَمْ الطُلاَبْ ... بِالعِلْمْ تْمَوَلْ
مَنْ نزعاتوُ بْرَا ... وُفَصْلَتْ الهَبْرَة ... مُولاَهَا رَاه اَبْرَا ... وَيْبَسْ الجُرْحْ كَامَلْ
اللِي مَقْسُومْ و وَلَ ... وُلَايَمْ المَلَة ... و يْعَدَلْهَ جُمْلَ ... لَلْحَرْبْ مْعَوَلْ
بَعْدْ سْنِينْ يْنُودْ ... بَارُودَه بَارُودْ ... و الخَلقَة مَنَهْ مَصْعُودْ ... مَنْ غِيرْ نَرَهْ تَشْعَلْ
يَبْدَ بْلَتْرَاكْ ... وَيْسَلْمُو بْلَ عْرَاكْ ... يَحْتَلْ حَتَى لَرْزَاقْ ... وُمْوَالِهَا تَنْدَلْ
يَبْدَ بْلَتْرَاكْ ... وَيْسَلْمُو بْلَ عْرَاكْ ... يَحْتَلْ حَتَى لَرْزَاقْ ... وُمْوَالِهَا تَنْدَلْ
وِيْدُورْ اللُخْرِينْ ... مِينْ يْقُولُو الحُمْرِينْ ... يَضْحَاوُ مَتْقَابْلِينْ ... سَانَة وَ الاَ قَلْ
وُعَيْنِيهْ لَلْفُرْسْ ... بَاقِ عْلِهُمْ يْعَسْ ... بِينْ الطُرْقْ الخَمْسْ ... مَنْ عْلِهُمْ يْجَوَلْ
وِيْحَطَمْ المِيثَاقْ ... مَنْ خَطَهْ بُوسْحَاقْ ... تُهْرَبْ السُرَاقْ... قَبْلْا الاَ يُوصَلْ
مُولَ عْلى بُنْيَانْ ... مَنْ بَعْدْ يْوَلِي دَهْشَانْ ... خَايَفْ مَلَفْتَانْ ... خَايَفْ عْلَ لُخْرِينْ يَغْفَلْ
بْشُرُوطْ النُعْرَة ... قَالُو بْنِي مُرَة ... مَاتَبْقَ حُقْرَة ... و النَاسْ تَتْعَدَلْ
بَاهْ يَزْهَا المَغْبُونْ ... فِي كُلْ المُدنْ ... مَايَبْقَى مَسْجُونْ ... لاَحُكْمْ البَاطَلْ
ويصْنَعْ صَاطُورْ... فَايَتْ البَابُورْ ... بِيه هُوَ مَشْهُورْ ... علَى النَاسْ يْجَوَلْ
ويَصْنَعْ قَزَانَة ... تَعْلَمْ الوَزَانَة ... وَتْخَبَرْ اللِي بَعْدَانَ ... حَتَى هُوَ هَامَلْ
مَنْ مْنَامِي نَفْطَنْ ... هدَا لِيَا اَحْسَنْ ... نَاضْ الفَجْرْ يْاَذَنْ ... لِلصَلَاةْ نَتْقَبَلْ
بْحَقْ مُولْ الحَقْ ... هُوَ شَفِيعْ الخَلقْ ... هَذَا صَارْ مْحَقَقْ ... شَفْتَهْ مْفَصَلْ
شَفْتَه بِينْ رْقَادْ ... مَا لِيَا وْسَادْ ... سَبْقُونِي لَسْيَادْ ... صَابُو لِيهَا الحَلْ
فِي الالفْ و المِيتِينْ... وثنِينْ و تَسْعِينْ ... و سْبُولَتْهَا يَا وَقْفِينْ ... والحْصَادْ بِالمَنْجَلْ
اسْبَقْنِي بَلْوَهْرَانِي... فْتَهَا بَمْعَانِي ... فَالوَزْنْ وَرانِي ... لِيه كِفَاشْ انْمَثَلْ
وكُلْ السَاداتْ ... بَلْبُرْهَانْ خَلَاتْ ... قَالُوهَا وَصْرَاتْ ... بِالحُكْمَ نَتْوَصَلْ
نَخْتَمْ هَادْ النَصْ ... وَاِسُمِي مَايَنْدَسْ ... العَبْدْ اللِي بُوحَفْصْ... المَعْرُوفْ بِالزْنَاقِي
فِي الغَرْبْ تْلَاقِي ... المَعْرُوفْ بالزْنَاقِي ... حْدَاه زُوجْ سْوَاقِي ... دَشْرَ تَحْتْ جْبَلْ
مَاء فَايَضْ رَزْقِي ... وَنْعَشَرْ بْحَقِي ... و اِيمَانِي تَاقِي ... والله ما نَتْبَدَلْ
قَانَعْ بَلِي عَنْدِي ... و بْخَيْمْتِي يَا سَعْدِي ... ومَا يَأكُلْ عَوْدِي ... لَشْهَبْ رَاه مْطَاوَلْ
يَا مُولْ الدَارِينْ ... وبْجَاهْ مَفْتَاحْ الدِينْ ... بْرِيضَاكْ لِياَ عْوِينْ ... فِي يَوْمْ اللِي نَتْقَبَلْ
بْجَاه احْسَنْ وَالحُسَينْ ... وَ بْجَاه المُوجَاهِدِينْ ... يْكُونُو لِيَا جُوَارِينْ ... يَا إلَاهِي و قْبَلْ
وَ بْجَاه الاَنْبِيَاء ... و الصَّبيِ و الصَّبِية ... ومْعَ اهلْ النِيٌّة ... ومُحَمّدْ نُوصَلْ
انْزُورْ دَاكْ المَقَامْ ... و الصَلَاةْ عَلى لَكْرَامْ ... وَالمْبَايْعَ وَ السَلَامْ ... ونَرْجَمْ المَنْعَلْ
بْجَاهْ خْيَارْ الطُلْبَة ... وبْجَاه عَشْرَة الصَحَابَة ... و القُرْآنْ و الكَتْبَة ... و الوَالِدِينْ مْثَلْ
طَايَعْ الرَّبِي ... و مُحَمَّدْ النَبِّي ... مُسْلِمْ عَرَبِي ... هَاكْدَ نَاوِي نَوْصَلْ
meghamo- عضو جديد
- عدد الرسائل : 18
نقاط : 4215
تاريخ التسجيل : 28/12/2012
رد: قصيدة زناقي مند عام 1870م كاملة
السلام عليكم.الشيخ بلوهراني كان قبله من حوالي 70 سنة
meghamo- عضو جديد
- عدد الرسائل : 18
نقاط : 4215
تاريخ التسجيل : 28/12/2012
مواضيع مماثلة
» قصيدة زناقي رؤيا مند عام 1870م .part1
» قصيدة زناقي رؤيا مند عام 1870م .part2
» قصيدة زناقي رؤيا مند عام 1870م,part3
» قصيدة زناقي رؤيا مند عام 1870م,part4
» قصيدة زناقي رؤيا مند عام 1870م,part5
» قصيدة زناقي رؤيا مند عام 1870م .part2
» قصيدة زناقي رؤيا مند عام 1870م,part3
» قصيدة زناقي رؤيا مند عام 1870م,part4
» قصيدة زناقي رؤيا مند عام 1870م,part5
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الثلاثاء 26 يوليو 2022 - 10:36 من طرف دين نعيمي
» من يعرف لنا المكاحلية ؟؟
الخميس 21 يناير 2021 - 15:10 من طرف الدين
» من شيوخ سيدي الشيخ
الخميس 21 يناير 2021 - 8:39 من طرف الدين
» ممكن شجرة سيدي حمزة بن بوبكر قائد ثورة أولاد سيدي الشيخ ؟
الخميس 21 يناير 2021 - 6:17 من طرف الدين
» قراءة في كتاب "الوسيط في تاريخ أدباء شنقيط" لأحمد الشنقيطي وبوبكرية الأقلال فقط
الأربعاء 25 نوفمبر 2020 - 18:23 من طرف chikh
» لماذا تجاهل المؤرخون هذه الفترة من حياة سيدى الشيح ؟!
السبت 4 أبريل 2020 - 22:02 من طرف mahmoudb69
» شجرة أولاد سيدي محمد بن عبد الله
السبت 4 يناير 2020 - 5:54 من طرف الدين
» من روائع محمد ولد بلخير
الجمعة 29 نوفمبر 2019 - 11:30 من طرف دين نعيمي
» سيدي أحمد المجدوب
الجمعة 11 أكتوبر 2019 - 15:30 من طرف Azziz
» صدور كتاب جديد.....
الأربعاء 9 أكتوبر 2019 - 14:24 من طرف Azziz
» ممكن التواصل مع الأستاذ سي بلمعمر
الإثنين 7 أكتوبر 2019 - 23:43 من طرف Azziz
» الرحال اللاجئون قديما
الجمعة 27 سبتمبر 2019 - 19:18 من طرف Azziz
» المرحوم / الحاج محمد عدناني في سطور
الثلاثاء 26 فبراير 2019 - 11:59 من طرف محمد بلمعمر
» كيف أتأكد من أنني أنتمي إلى قبيلة سيدي الشيخ?
الثلاثاء 19 فبراير 2019 - 22:00 من طرف manadh
» المنن في مناقب سيدي محمد بن عبد الرحمان
السبت 26 مايو 2018 - 5:43 من طرف الدين
» كتاب " امارة اولاد سيدي الشيخ"
الجمعة 25 مايو 2018 - 17:46 من طرف محمد بلمعمر
» قصائد بوشيخية .
الجمعة 6 أبريل 2018 - 9:53 من طرف محمد بلمعمر
» القصيدة التي أبكت رسول الله صلى الله عليه وسلم
الأحد 1 أبريل 2018 - 21:17 من طرف manadh
» شهداء معركة تازينة باليض.....
الخميس 1 مارس 2018 - 22:22 من طرف manadh
» أفضل الصلاة وأزكى التسليم على إمام الانبياء
الإثنين 19 فبراير 2018 - 11:04 من طرف بكري