قصيدة -ياكمري نوصيك-

بسم الله الرحمان الرحيم .والصلاة والسلام على سيدنا محمد وعلى اله وصحبه الطيبين.
بسم الله الله اكبر.
السلام عليكم اخوتي  و احبابي االكرام .في منتدانا الحبيب منتدى سيدي الشيخ.
وبعد .
بعد غياب  طويل عن منتداي الحبيب وددت ان اعود بهدية اهديها الى كل اعضاء المنتدى وكل اولاد  سيدي الشيخ ومحبيهم .
اقدم لكم اعزائي هذه القصيدة .تحت عنوان-يا كمري نوصيك -
                           
                              ياكمري نوصيك

ياكمري نوصيك  بلغ ذ  السلام  . . . .  تدي هاذ القاف خويا لا تبطاش

تقصدك يا كمري  جرادة  بالتمام   . . . . عندي كم احباب ثمة كم اعراش

بلغهم  اسلام   وازيد  للقدام  . . . .  شرق يا كمري  بجناحك  رياش

لوح بصرك ثمة دور على المقام . . . .  ثمة راه قريب غي لا   تتعلاش

حين تشوف القبة  كثر  فالتحوام  . . . .  ونزل عند لي مشالي ما ولاش

كي تدخل  للقبه  ادخل  باحترام . . . .   وادخل  بالنية  تربح  يا رياش
. . . . . . . . . . . . . . . . . . . . . . . . . . . . .. . . .

كي تدخل اقرا على الروح السلام . . . .  ارفد المعروف ولا تنساناش

سيدي احمد هذاك حبي بالتفخام . . . .  اسلب لي لعقل فيا ما خلاش

احمد بن الشيخ غالي في لسوام . . . . حبو ربي  عطاه علم وما يفناش

احمد بن الشيخ بركة ويدام . . . .  شارب من لبحور ماها ما يكضاش

موجاب الطلبة يقصدوه خيام . . . . مقبول الدعوة تعجل ما تبطاش
. . . . . . . . . . . . . . . . . . . . . . . . . . . . . . .
               يا كمري نوصيك

نوصيك يا كمري كان اقضيت اصلاح . . . . بالنية والصدق غرضك تقضيه

قبل عند الراس  رايس الصلاح . . . . وتدعي بالرحمة بالخير اتبقيه

تعلم بالوداع وتصفق بجناح  . . . . وتقصد الفيضة بسلامي تديه

حين تشوف اخيام اطرح تطراح. . . . سول على الشيخ لازم تلاقيه

معزوزي مبروك واصباحه مرباح . . . .و الجامع هو لي ثمة حاضيه

.  . . . . . . . . . . . . . .. . . . . . . . . . . . . .
          يا كمري نوصيك

يا كمري على الشيخ اقرى ذ السلام . . . . ومن دعوة لشياخ غي لا تحرمناش

ادخل للخيمة تزعبل يا لحمام .. . . . تدي من الخيرات ما لا يتحصاش

من ثمة نبغيك تمشي بالتحوام . . . . تكطع ذاك الواد بمياهو رشراش

الما فسواكيه يجري جري دوام . . . . هاذا نعتي ليك غي لا تتعلاش

تلقى حمزة ثم جالس في المقام . . . . . ذاك النور عليه في وجهه للاش

ذق النظرة فيه تبرى من لسقام . . . . واسمع لحديثه في حلايق درداش

تدي من لعلوم مدرج بالتفهام . . . . من عنده يا طير ما تمشيش بلاش
. . . . . . . . . . . . . . . . . . . . . . . . . . . . .
        يا كمري نوصيك

تدخل للقبة و تزور الطيب . . . . . زور القايد زور ثراية بلعربي

اطلب التسريح وفرفر يا صاحب . . . . وروح لبركم ارض جدودي وابي

انتيا معروف وعلى الصدق امدرب .. . . . بلغلي سلام لاهلي واصحابي

لزياني روح في قبل المغرب . . . . . من بكري ذالحي مطروب للقلبي

فيه شيوخ ملاح نسبتهم عرب . . . وفيه رجال ملاح يبغيهم قلبي
. . . . . . . . . . . . . . . . . . . . . . . . . . . . . . .
        يا كمري نوصيك

نوصيك يا كمري لاترحل فظلام . . . . في بركم بيت منها لا تغداش

غاشيها معروف بالخصلات كرام . . . . .وبالضحكة والبسط منهم ما تسخاش

بلغهم سلام كاتب ذو لنظام . . . . . . .عبدالله معروف عليهم ما يخفاش

للشوعارة قرا مني ذالسلام . . . . صافحهم الكل عندك لاتنساش
. . . . . . . . . . . . . . . . . . . . . . . . . . . . . . .
       يا كمري نوصيك

قبل طلوع الشمس في شاو البكرة . . . تفرفر يا كمري وتمشي في لمان

حضر عقلك  نعطيك المارة . . . كدامك مروث تكثر الطرقان

قادر ربي يحفظك مول القدرة . . . . و طريقك مضمون علي يا ورشان

على الرياحة فوت نعطيك اشارة . . . . ونطح لفريطيس يا ذاك الدونان

كي تركب فالراكب هاذيك المارة. . . . تنظر ثلت قباب قدامك تبان

تقصدهم يا طير وبعقل تحذرا. . . . . لا تجفل لا تخاف وعليك الامان

امن الله عليك يا ولد الطيرة . . . . خدام الله ثم ليك انت ضمان
. . . . . . . . . . . . . . . . . . . . . . . . . . . . . .
     يا كمري نوصيك
كي توصل قرى باداب السلام . . . . تقراه على حبابي سكنو في لنعاش

جوج رواح ملاح ساروا سير دوام . . . . من فرقتهم وليت دوني ما نسواش

احميدة والشيخ خلاو لي لرسام . . . . نتفكرهم ويفيض دمعي ما يصحاش

اتوحشت سيد الحاج وطوالو ليام . . . . موحال يولي ونكلع ذالتوحاش

اتوحشت سيدي الحاج لو نظرة فالعام . . . والضر لي يكون فيا ما يبقاش

اتوحشت سيد الحاح لو نظرة فمنام . . . متغطي ونكون راكد في لفراش

. . . . . . . . . . . . . . . . . . . . . . . . . . . . . . . .
يا كمري نوصيك

تودع  القبة  وتفول  بالجامع  . . . .  فالخيمة الحمرة تدخل وتريح

سبح وذكر نعرفك طايع  . . . . وطلب ربي ثم تنال صوالح

ارفد المعروف للرجال الجامع . . . سيدي عبد الحاكم الطير الفالح

وادعي بالرحمة للخير النافع  ...احمد بن الشيخ النور الواضح

سيدي احميدة والحاج بهجة للمجامع .....ودعي لسيد الزين بجنة تتقادح

.................................................................
ياكمري نوصيك
ياكمري نوصيك كان انت فهام .. . . . حضر فالمعروف حبابي لا تنساش

حضر فالمعروف واطلب العلام ......سيد المزوزي  ضره ما يبقاش

يشفى ويريح من علة وسقام .  . . ونديروه عناية بالعز وتفحاش

ومازلنا نبغوه ما دامت ليام .....ولي حب الولية طبعوله بالكاش

ويرجع لمقدم ما شفناه عوام . . . سيد المصطفى مدة ما شفناهش.

وترحم يا ربي كاتب ذو لنظام . . .  عبد الله معروف عليهم ما يخفاش



تمت بحمد الله.
عبدالله بحوصي

على سلامتك سي عبدالله راك غايب علينا وين راك

الله يسلمك سيد الحاج .يسال عليك الخير والربح واللي يبغونا كاملين.
غابت الخشبة عليكم والقلب راه حاضر ......والعقل فيكم يخمم تخمام
داير جمرة على صدري والقلب راه صابر ....من ربي نبغيكم بغي دوام
طال الوحش علي طال يا الشاعر . . . . كل عام نقول نجيكم ذالعام
نطلب ربي مول القدرة القادر .. . . . يوفي ذالمنية ويسهالو ليام

السلام عليكم

جمعة مباركة للجميع

كي تدخل للقبه ادخل باحترام . . . . وادخل بالنية تربح يا رياش

كي تدخل اقرا على الروح السلام . . . . وارفد المعروف ولا تنساناش ؟

موجاب الطلبة يقصدوه خيام . . . . مقبول الدعوة تعجل ما تبطاش ؟

يا كمري على الشيخ اقرى ذ السلام . . . . ومن بركة لشياخ غي لا تحرمناش

ادخل للخيمة تزعبل يا لحمام .. . . . تدي من الخيرات ما لا يتحصاش


تقبلوا تحياتي