ســـــــــيدي الشــــــــــيخ
منتدى سيدي الشيخ يرحب بكم...أهلا وسهلا

الرجاء الدخول بالنسبة للأعضاء ...أو التسجيل بالنسبة للزوار

ســـــــــيدي الشــــــــــيخ

منتدى خاص بالتعريف بشخصية الولي الصالح سيدي عبد القادر بن محمد و ترقية تاريخ وتراث الأبيض سيدي الشيخ.
 
الرئيسيةس .و .جبحـثSIDI CHEIKHالتسجيلدخول
ومــا أقـبـح التسـويـف عــن قــرب بـابـنـا *** ومـــا أحـســن التشـمـيـر قـبــل الإفــاتــة.
من تائية الياقوت لسيدي الشيخ

ولا تـسـمـعــن قــــــول عــــــاد  مــعــانــد***  حــســود لـفـضــل الله بـــــادي  الـتـعـنــت
ومــن يـنـسـبـن إلـيـنــا غــيــر  مـقـولـنـا ***  يــصــبــه بـــحـــول الله أكـــبـــر  عـــلـــة
ومــوت عــلـى خــــلاف ديــــن  مـحـمــد ***  ويـبـتـلـيــه الــمــولــى بــفــقــر  وقـــلـــة
وبـــطـــش وشــــــدة انتقام وذلـــــــة *** ويــردعـــه ردعـــــا ســريـــع الإجـــابـــة

من تائية الياقوت لسيدي الشيخ

المواضيع الأخيرة
» رثاء في حق سيدي الحاج الشيخ
الثلاثاء 1 نوفمبر 2016 - 16:37 من طرف lahcenes

» ألقاب أولاد سيدي الشيخ
الإثنين 31 أكتوبر 2016 - 18:09 من طرف بكري

» قصائد و ادعية
الإثنين 31 أكتوبر 2016 - 17:58 من طرف بكري

» مقدمة شاملة ومختصرة عن ذرية أبي بكر الصديق
الأحد 23 أكتوبر 2016 - 11:25 من طرف محمد بلمعمر

» نبذة تاريخية عن العالم العلامة الشيخ سيدي سليمان بن أبي سماحة.
الثلاثاء 4 أكتوبر 2016 - 18:14 من طرف بالقوراري فريد

» صدور كتاب جديد.....
السبت 1 أكتوبر 2016 - 20:26 من طرف محمد بلمعمر

» تهنئـــــــــة عيدالفطر المبارك
الأحد 25 سبتمبر 2016 - 22:57 من طرف النزلاوى

» قصائد الشيخ سيدي بوعمامة
الأربعاء 31 أغسطس 2016 - 2:16 من طرف نورالدين دناني

» صور من الزاوية الشيخية بعين بني مطهر .موسم الولي الصالح سيدي عبد القادر بن محمد سنة 2016
الأربعاء 31 أغسطس 2016 - 0:48 من طرف chikh

» وصفة لعلاج البهاق مضمونة 100%
الإثنين 25 يوليو 2016 - 15:09 من طرف omar fouad

» الصلاة و السلام عليك
الإثنين 25 يوليو 2016 - 13:31 من طرف BRAHIM14

» وعدة سيدي الشيخ " أصل الحكاية "
الثلاثاء 19 يوليو 2016 - 5:16 من طرف الدين

» خلية المراجعة عن بعد
الأحد 17 يوليو 2016 - 2:20 من طرف الدين

» كتاب جديد بعنوان "أولاد سيدي الشيخ" ،،، في الأفق.
الجمعة 15 يوليو 2016 - 17:15 من طرف الدين

» المنن في مناقب سيدي محمد بن عبد الرحمان
الجمعة 15 يوليو 2016 - 14:32 من طرف الدين

» السلام عليكم
الجمعة 15 يوليو 2016 - 6:14 من طرف الدين

» صيانة ايديال زانوســــ01201161666ـــــى ( الاسكندرية - الجيزه- الهرم)
الجمعة 8 يوليو 2016 - 11:56 من طرف محمد بلمعمر

» منتدانا في خطر
الجمعة 8 يوليو 2016 - 5:28 من طرف الدين

» Asp.net, C# افضل كورس برمجة
الجمعة 8 يوليو 2016 - 4:00 من طرف الدين

» أفضل الصلاة وأزكى التسليم على إمام الانبياء
الثلاثاء 5 يوليو 2016 - 17:15 من طرف دين نعيمي

الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
لا تنسوا أن تتصفحوا أيضا بعض أقسام المنتدى:
  • بوابة الخواطر الأدبية للكاتب ش ق بن علية
  • ركن تراثـــيات

  • ســـي بلمعمر
    تصويت
    هل ترحبون بفكرة تصنيف الأبيض سيدي الشيخ ضمن التراث الوطني.
    بكل فخر
    94%
     94% [ 94 ]
    تحتاج إلى التفكير أكثر
    4%
     4% [ 4 ]
    فكرة غير مجدية
    2%
     2% [ 2 ]
    مجموع عدد الأصوات : 100
    أنت الزائر رقم .
    real time tracking
    سحابة الكلمات الدلالية
    الطريقة احمد الشيخ كتاب تهنئة الرسمية قصائد 2011 العدد الياقوتة الدين بوعمامة شجرة الحاج أولاد الله القادر محمد الجريدة سيدي اولاد سليمان الجزائرية قصيدة قانون عائلة
    تسجيل صفحاتك المفضلة في مواقع خارجية
    قم بحفض و مشاطرة الرابط سيدي الشيخ على موقع حفض الصفحات
    بحـث
     
     

    نتائج البحث
     
    Rechercher بحث متقدم
    المتواجدون الآن ؟
    ككل هناك 18 عُضو متصل حالياً :: 0 عضو مُسجل, 0 عُضو مُختفي و 18 زائر :: 1 روبوت الفهرسة في محركات البحث

    لا أحد

    أكبر عدد للأعضاء المتواجدين في هذا المنتدى في نفس الوقت كان 634 بتاريخ الثلاثاء 4 سبتمبر 2012 - 22:39
    http://sidicheikh.sosblog.fr

    أهلا وسهلا ومرحبا بكم في رحاب سيدي الشيخ



    الزوار

    شاطر | 
     

     يا سلاك الواعصة ( ع مهيدي)

    استعرض الموضوع السابق استعرض الموضوع التالي اذهب الى الأسفل 
    كاتب الموضوعرسالة
    abed1
    عضو جديد


    عدد الرسائل : 86
    نقاط : 2638
    تاريخ التسجيل : 16/02/2010

    مُساهمةموضوع: يا سلاك الواعصة ( ع مهيدي)   الخميس 22 ديسمبر 2011 - 16:38



    يا سلاك الواعصة سهلي توبـة ****و سهديني بالساهلة و الحرشة ترطاب
    خفف عني زيد كافيني نوبـة ****واتلفت لضرير هاربلك طلاب
    طالت بيا حالتي ولات اعجوبـة ****و ريح الجيفة فاح مني يا وهاب
    لا تنتاقم جود جودك ما يربـى ****و يقصف عند ذليل فالدنيا موصاب
    هزمتني لقدار من بكري جوبة ****و ما تخفاك كنانها عالم بالمكتاب
    داري بالجرح لي رماوه بالحربة ****واتفتت لحمه بينلدفار و لنياب
    داري بالجرح لي تيتم خلاوه يحبى**** كلمة لم و قي سمعها وسط اعراب
    داري بالجرح صقير والف بالقلبة ****يتحاموه لخوت ما عنده لحباب
    جهد ارجلة فيه يخصل بالهربـــــة ****ويساسي للعافيةيدرع لا ينصاب
    داري بالجرح وحيد ما عنده قربة ****لا عمه لا خال فالشدة ينصاب
    لو تستر موطيع بوقاته يعبى ****و محافظ في صلاته يقضيها بثواب
    لو تستر مزهور مرزوق بتوبة ****و مهني في ضميره ما يرتاب
    لو تستر منيب طاعك و تربى ****وين يصد قبيح مفتون و لواب
    لو ترفع موطيع عليته وجبى ****واش يسلك من كان لحته في زرداب
    أنت ربي لا ريب تستر ما ربى ****و أنت ربي قاع لو كثرت لرباب
    يا ويلي طالت عليا ذ الهربة ****ويا ويلي منك ليك فالدنيا هراب
    ظحكت عليا اقبايل و اعروبة**** و نعتوني بوصاف تنكرها لكلاب
    ضحك بيا خالقي وليت لعوبة ****تتسامر بيا عوايل كي لنساب
    يتساروا بيا فعالي مسبوبة ****و يسموني كلها و يفنن للقاب
    نعتتني بالكفر و سوايس قتبة ****و اتجرح خاطري و تقريه اكتاب
    هي ليها رب تعنيه بطلبة ****و أنا من قير بابك مانيشي طلاب
    يا باري لعليل و الناقالجربة ****ياعين المكفوف واركيزة من عاب
    يا صاحب من كان وحده لا صحبة ****يا مجير الهاربة من درك العذاب
    عزلوني كل خافو من لوبى ****و ما نلقى هيهات من دونك طباب
    هذ المرض صحيح فيا راه ادبى**** واتمكن في حشايا متسوطن قلاب
    و اهزمني راه شيبني شيبة ****وعدت انبان هريم وانا عاد اشباب
    هجروني لحباب مشتاق امحبة ****و يا شومي شوف عافوني لصحاب
    لا تظحك عني ذاك مكتوب بكتبة ****و اقلمها بيدين عراق المكتاب
    لو رايد يرديك و تعاشر صهبة ****و تشوف محايني واتفسر لسباب
    ما تقدر لعراكها معتاها رهبة ****و تزور سلاطين يمسوا لا ركاب
    احمد ربي راك هاني لا نكبة****و اهمومك حدها حيطانك و الباب
    ما ريت النار مصهودة لهبة ****و اكبادك شاعلة ولحمها طاب
    ما رديت حجار عن طولة شهبة ****و اتحسست ترابها بليالي و اعقاب
    ما راح وليد عنك في صقره يحبى**** و يواروه وراك بمناصب و تراب
    يا ربي يا خالقي مشتاق لتوبة ****و نولي في عبادك من لحباب
    ما نطمع في لاخرة عارفها جوبة ****و الجنة موحال لمثالي تقراب
    السترة يا خالقي منك مطلوبة**** تفرزني و نعود في نارك مشهاب
    حبك ما تشيبه فالسر مشيبة ****و الوصف يلا وصفته داروني كذاب
    ارحمني قدامهم قطي ذالخشبة ****و العورة فيا استرها عيبي لا يتعاب
    تديني في جوارك مزينها وهبة ****واذا كان لهيه نستحلى لعذاب
    ما طقت عذابهم عياني نوبة ****و صهد النار يهون وحدي لا قتاب
    إذا جرت لي جنتك عنده مطلوبة ****وين يصد لي كان من نارك هراب
    و اذا كان الصايدة عندك مرقوبة ****واش يجير لي خلقته وعطيته لنياب
    يا حارث لبلادنا ما ردت قلابة ****راناسبخة ملحها نقع فوق تراب
    راها شرفت قير خليها جدبة ****مسوكي برمالها و اتمسات علاب
    دور وسط نجوع بدل ذ الرحبة ****و عوفينا قير حوطنا بخشاب
    بعد انكنت ربيع كذا من عشبة ****و جناين بكرومها و ادوالي بعناب
    ها لاه نعيد قير لعجيج و أبا**** و دموع شوابين بانت علهداب
    يبكوا بكي الذل ما ليهم ركبة ****يبكوا من حالتي و الراس لي شاب
    دعوة نص ولاحقة لا ريبة**** دعوة مقبون بكر قبل سحاب
    و اعجيج قاصرة ما طاقت تجبى**** و تعر ولادها راهم عند نساب
    و تعري راسها تبكي شبشابة**** و تحفن بكفوفها وتذريه تراب
    زهري فالنسى زهرك يا خربة**** ينسوك اماليك كانوا قي عزاب
    في عزك كنتي رقيبة مطلوبة ****و كي خربتي لا مناراتاك لا باب
    يا مسكن عافوه بنيه بالطوبة ****عماره هجروه و جنانه خاب
    يبكيلي و يقول خدعوني نوبة**** و الستار يسيد يتخطى لرقاب
    قلتلها يا لايمي مثلتك روبة ****و نسع حلايسك مامسوك عراب
    قلتلها يا قايمة مثلك لطلبة**** وفتيلي في فعالي ما نرتاب
    بنت الحاج و خاطرك راه تلبى**** نرفد عنك كل ما ضرك يتعاب
    الراجل صرف زمان يتلبط عقبة**** ما كادوه شفار فالرجلة وشعاب
    تجعلني فالجود مثلي للقابة ****ما يندم من كان جاورني حطاب
    يتسخن من نار يقديني خشبة ****حازه صرد الليل يوعدها رطاب
    يا شومان فعالنا عادت معيوبة ****و اتذلينا شوف و اشيانت لعقاب
    درسونا برباق قير المحلوبة ****عصارين الدم يقطر في حلاب
    و اتعيش الفانية نعجة مهلوبة ****و اذا بنت فروق يلقولك جلاب
    وإذا فيك الفايدة دارولك قبة**** و إذا طاحت بيك يرموك لكلاب
    يا لخراج بعاركم راني في قلبة**** و الراجل تنفوه يتصبح طلاب
    ردوا حق لي مجاوركم نسبة**** و ردوا حق لي مخالطقم بلقاب
    عار عليكم يا الخيمة لمرقوبة ****نشوا ذبانكم عنا راه ضباب
    لاه الراجل في حماكم يتخبى**** و تردوه يعود خاطي لا تصواب
    عار عليكم يا مالي محجوبة ****وين رجالكم كي جينا خطاب
    وين لي قال لينا منسوبة**** و يتحكم بحكام يوتينا لوجاب
    اليوم جماعتي عادت مقلوبة**** و نباشين الخيل من كانو ركاب
    خيمة بعمودين كانت منصوبة**** يعنيها لقريب و السياح غراب
    بعدن راح الحاج لحقت محبوبة ****و الخيمة بفليجها قنطاسه راب
    راح العز و راحت سنين خصوبة**** و قعدت قي مراسمها تجداب
    و طلال الخير راها منصوبة ****أويبكي بسيف من قلبه يرطاب
    جيناها قصاد للمنعة هربة ****و طمعنا في حماها تخطينا لنكاب
    قلنا بيت العز ما فيها قضبة ****و يجيروا من جارهم لضراهم هراب
    لا تكموش رجولتي تخفوها كذبة ****و اذا لمتوا ما تصدقكم لعراب
    لاه الراجل عندكم ما يحكم نوبة ****و إذا فط يعود يلقاكم قضاب
    إذا كان صحيح ديروني صحبة ****و إذا كان الملح رانا قاع احباب
    و إذا كان الشوم يقطعها قربة ****و رموني برصاصكم ولا بالنشاب
    و إذا كنت خسيس ما نعرف وجبة ****واش اداكم للفراعن يا رهاب
    إذا كانت ناسكة تحصي لمغبة**** من بكري طايعة ترتادي لحجاب
    حمالت قرأن محفوظ و كتبة ****و تكرر لوردها بليالي و عقاب
    ما صامت شوال تحصيه بحسبة ****و لا لبياضات تنويهم بثواب
    لا صلاة ودين حتموها تعبى ****واطلق سكير قير نتاع شراب
    نماصة لماص بوصاف القتبة**** و اللبسة قي الفاضح و العجاب
    زواقة للقير يشتوها غربة ****و الوان لباسها قير لي جداب
    تضحك وسط الناس تتقانج عجبة ****يتأمل زينها من راده طلاب
    يامس زهو لخاطري ما يرفض طلبة**** أمرالطاعة كلها عنده موجاب
    فارح بخصايلي ما راد التوبة ****و مسالي و يقول سمعني قصاب
    و اليوم ضحيت نستاهل سبة**** نتعاير و نزيد نسمع كل خطاب
    هانت نفسي قاع ولات رقيبة ****ها لاه نحس عضات الكلاب
    ماعادت فيا السومة مطلوبة**** نتباع بصولدي ماعدتش نطراب
    ما نشتي سكون يبقيها رطبة ****و يسايس لحكام خايف من لعقاب
    نتحدى مرفوع بالضمة وجبة ****و الفتحة و حكامها عندي فالإعراب
    و المفتوح ذليل في حكمه النصبة**** يعرفها من كان فايز في لعراب
    حكمي للمكسور في نحوالكتبة**** نحكم فلحكايم وينك يا قلاب
    حكمه فيه ثنين يتلاقواقصبة ****و حكمه للمجرور لو كرهت لسباب
    راني مكسور عندك يا ندبة ****من وسطي سولي من ليهم للباب
    حكم مطرف ذاك غافل ما يعبى ****و يقوده من كان سبقوه الكتاب
    هبلتوني قير بسحور الكتبة ****هبلتوني قي الكاهن و الطلاب
    ذا يحرق ذا يبخر لاخر يتنبى ****ذا هنداوي شافني في قاعة لكواب
    لوبان وجاويه حبة بالحبة ****و صراير و دفار فيهم حتى الناب
    خلخلت وعاد ريقى من فمي يسبى**** دمي بزلامكم رشيتو لنصاب
    ماني مولى عيب نعجل للقتبة ****و ماني مولى عار لعروشك قتاب
    سال القاسول عنا راه انبى**** و سال خياركم يعطولك لوجاب
    سالوا عني لقراريج و خيام الرهبة**** و رجال مصيلة ما تعرف ذوناب
    سالوا لقراريج ستارين الكربة ****و خيام مشمرة ما ردو موصاب
    نشابين الخيل يدمي للكعبة ****طواعين امهار كذا من لعاب
    معلوف بلا كيل يزكى ما يربى**** وحصايد في فيافي يقطعها عرقاب
    كنتو ذاك العام كانوا يا عجبة**** ليكم من لجواد قطاعين رقاب
    ردوا عنا حقنا ردوه برهبة**** كانت حق وما يخطي فيه صواب
    نستر روحي في مراحي ما نجبى ****و نستر روحي لايشموني لذياب
    كنت عزيز منين كنت أنا طلبة ****و نهار تكوني كان حبي ليس سراب
    يفشى فيك المرض و يحير طبة ****ما فيه اختصاص ما قراه كتاب
    و يمسوك جنون تخشاهم طلبة ****وعوارض ما حصاها فالرقية طلاب
    ويعاديك رسولنا و العشرة الصحبة ****و تعاديك اماتنا و زواجه لقراب
    و تعاديك سياد قبة عن قبة ****و يعادوك جميع من وصلو لقطاب
    يتخبل قزلك ضاع كبة في كبة**** يتصرصم موحال يلقاله كباب
    ينكس ظهرك واه قرض من الرقبة ****ماتبريك دراهمك و كشوف الحساب
    حقارة بالمال و ودراهم و ربى ****براني درتوه رقبة من لرقاب
    احقرتوني واه نستعرف قلبة ****و اكتافي راهنة و مصفي لجياب
    راني سامح في ثلاثة ذو وهبة ****و نزيد نخلص لي عني يكتاب
    تحرم عني داركم في حلقي سربة**** و يحرم عني كل ما فيكم ينصاب
    و اذا كنتو قاع حومات الكعبة ****منهو رد فيال قادوهم ركاب
    و إذا كان رزاقنا بيديكم وهبة**** واش يجيب لي مهني للمرتاب
    ياك الموت وحدة لا ريبة ****و يلا كان ازاوجة منكم ما تتعاب
    نشكيه لخالقي من دار السبة ****و نوكل خالقي علي كان سباب
    يتعاب لي مزمزم راوي من شربة****و الراجل ينساه و لي كان وجاب
    و اشكاويك منين كانت منصوبة ****و درك الشقل منين عياله لجناب
    و المفطومة ياك قير الحلابة**** بقداحه و عداد كذا من حلاب
    و لي جابت قاع لازم تتلبى**** و الزبدة بسيف من ذاك لي راب
    و دهان يكون بعد التذيبة ****و الحاج إذا عصيته سمعلك لقراب
    سميتك لم و الراس مكبة ****و أنت دمي ياك ليا من لقراب
    دمي بارد قيح رباته حبة ****و تصبحت ليوم ظني فيها خاب
    ذنب ولادي دين عندك فالرقبة ****و نهار الدايمة نحظرلك لحساب
    بنات الحاج وياكم كذبة ****و بلاكم فالقيب يفتنكم كذاب
    عمري ما نويت فالدنيا نوبة**** أو عمري ما قلت فيكم ما يتعاب
    سالوا لعراش يعطوكم وجبة**** و سالو كل الناس ياتوكم بصواب
    و إذا كان الملح بصح ما يربى**** لا تامن من كان في ظهري نصاب
    ابقاي على خير يا عز الصحبة ****و تمسي بالخير و يقطيك سحاب
    و اذا بنتي يوم تتعلي هضبة ****و بان شعاعك قاع و تقاشى بضباب
    موجي كان تراش عري لقرابة ****و سقسي يا قايتي دقي ذاك الباب
    راني نقرس في ترابك ونصابح عنبة ****و عناقيدك قاع دويا كي لعشاب
    ماجاش بخاطري و نشدك قصبة ****و ما جات بطاقتي نخرزها بحجاب
    ماكي شينة ما تجي مني ****لمعيبة قير نوكل خالقي عمن كان سباب
    يلهب قلبي نار شدت في صابة**** لمصفي زاهرة ناره تلهاب
    واتصبح برمادها يتناثر لعبة ****وتذريه ريوحها يتزاوط قاب
    ملي قبتي قاب قلبي بزقبة ****قاب عليا قوت ولمى راني قاب
    ع مهيدي



    عدل سابقا من قبل abed1 في الخميس 29 ديسمبر 2011 - 14:09 عدل 4 مرات
    الرجوع الى أعلى الصفحة اذهب الى الأسفل
    عبد الله بحوصي
    عضو مميز
    عضو مميز


    عدد الرسائل : 1122
    العمر : 37
    نقاط : 4499
    تاريخ التسجيل : 20/04/2009

    مُساهمةموضوع: رد: يا سلاك الواعصة ( ع مهيدي)   الخميس 22 ديسمبر 2011 - 17:18

    يا باري لعليل و الناق الجربة*** ياعين المكفوف واركيزة من عاب
    يا صاحب من كان وحده لا صحبة*** يا مجير الهاربة من درك العذاب
    قصيدة ممتازة.
    الرجوع الى أعلى الصفحة اذهب الى الأسفل
    abed1
    عضو جديد


    عدد الرسائل : 86
    نقاط : 2638
    تاريخ التسجيل : 16/02/2010

    مُساهمةموضوع: رد: يا سلاك الواعصة ( ع مهيدي)   الخميس 22 ديسمبر 2011 - 17:24

    جازاك الله خيرا أخي عبد الله و شكرا على مرورك الكريم
    الرجوع الى أعلى الصفحة اذهب الى الأسفل
    avant centre9
    عضو جديد


    عدد الرسائل : 12
    نقاط : 1887
    تاريخ التسجيل : 20/10/2011

    مُساهمةموضوع: رد: يا سلاك الواعصة ( ع مهيدي)   الأربعاء 28 ديسمبر 2011 - 21:41

    رغم أني قرأت القصيدة لمرة واحدة....ترفع لك القبعة ياسي مهيدي
    ثراء في الكلمة...وحسن التصوير للمعنى ...والأروع الإرتباط الوثيق باللهجة المحلية
    الذي يعطي للقصيدة روعة لا توصف
    بارك الله فيك.....
    الرجوع الى أعلى الصفحة اذهب الى الأسفل
    دين نعيمي
    مراقب عام
    مراقب عام


    عدد الرسائل : 4324
    العمر : 76
    نقاط : 6867
    تاريخ التسجيل : 24/11/2008

    مُساهمةموضوع: رد: يا سلاك الواعصة ( ع مهيدي)   الخميس 29 ديسمبر 2011 - 10:04

    قصيدة في منتهى الروعة

    وكعادتك مشاركاتك ممتازة
    الرجوع الى أعلى الصفحة اذهب الى الأسفل
    chikh
    مدير المنتدى
    مدير المنتدى


    عدد الرسائل : 2785
    الموقع : الأبيض سيدي الشيخ/ الجزائر
    نقاط : 5529
    تاريخ التسجيل : 11/04/2008

    مُساهمةموضوع: رد: يا سلاك الواعصة ( ع مهيدي)   الجمعة 30 ديسمبر 2011 - 0:48

    avant centre9 كتب:
    رغم أني قرأت القصيدة لمرة واحدة....ترفع لك القبعة ياسي مهيدي
    ثراء في الكلمة...وحسن التصوير للمعنى ...والأروع الإرتباط الوثيق باللهجة المحلية
    الذي يعطي للقصيدة روعة لا توصف
    بارك الله فيك.....

    شكرا جزيلا سي بن مهيدي ،، لقد أبدعت ، ووفيت.

    _________________

    اللَّهُمَّ إِنَّكَ عَفُوٌّ كَرِيمٌ تُحِبُّ الْعَفْوَ فَاعْفُ عَنِّي


    http://www.facebook.com/Karmami

    الرجوع الى أعلى الصفحة اذهب الى الأسفل
    http://sidicheikh.yoo7.com
    abed1
    عضو جديد


    عدد الرسائل : 86
    نقاط : 2638
    تاريخ التسجيل : 16/02/2010

    مُساهمةموضوع: رد: يا سلاك الواعصة ( ع مهيدي)   الجمعة 30 ديسمبر 2011 - 14:57

    شكرا لكم جميعا على الإهتمام حقا إنه لشرف عظيم
    الرجوع الى أعلى الصفحة اذهب الى الأسفل
    abed1
    عضو جديد


    عدد الرسائل : 86
    نقاط : 2638
    تاريخ التسجيل : 16/02/2010

    مُساهمةموضوع: رد: يا سلاك الواعصة ( ع مهيدي)   السبت 31 ديسمبر 2011 - 22:11

    عام....سعيد..........كل...عام..وانتم...بخير
    الرجوع الى أعلى الصفحة اذهب الى الأسفل
     
    يا سلاك الواعصة ( ع مهيدي)
    استعرض الموضوع السابق استعرض الموضوع التالي الرجوع الى أعلى الصفحة 
    صفحة 1 من اصل 1

    صلاحيات هذا المنتدى:لاتستطيع الرد على المواضيع في هذا المنتدى
    ســـــــــيدي الشــــــــــيخ :: النادي الثقافي الأدبي :: الشعر الملحون-
    انتقل الى: