زجال مدينة العيون الشرقية عبد الله بحوصي قصيدة : غزة

https://www.youtube.com/watch?v=Xo47u2zsiog

شكرا على المرور صديقي وابن عمومتي سيدي الفقير .
وحضرونا غدوة فالمعروف سعدي بخوتي.

من أروع ما يمكن ، سي عبد الله ، وبدون تعليق

عبد الله بحوصي كتب:شكرا على المرور صديقي وابن عمومتي سيدي الفقير .
وحضرونا غدوة فالمعروف سعدي بخوتي.

ههههههههههههه ، نعم يا سيدي إن شاء الله

اليكم اخواني القصيدة مكتوبة.

يا غزة
يا غزة با العزيزة يا بؤرة الايمان***يا ام الشوهادة صمدي قوية
يا بلاد الرسل عزك الرحمان***منك وفيك عرج سيد الانبيا
يا لبلاد الطاهرة اسمك جا فالقران***ببركة الاله محوطة محضية
يا اول القبل كان عليك الشان***واليوم يا حصراه راكي منسية
اليوم بقيتي ضحكة للعديان ***زاغو ودارو بيك كي القصعة المملية
من دمك رواو كي ذيب الخرفان***فين الراعي وفين الرعية
من حالك اليوم كي راني قنطان ***متغيض بزاف والحزن عليا
حالك يشيب والشيب فراسي بان***حالي حال الطير مسجون بلا سية
لو صبت نفرفر وندير الجنحان ***في رحابك نحط ونفاجي ما بيا
حالك حال غريب تايه وتلفان***مصايب حبيب غبانو مكدية
حالك حال سبع حكروه الغربان***مجروح ومعطوب ودماه جراية
حالك حال جبل حفرته ويدان***صابر لتهدام شامخ علية
حالك يشيب لي هوما شبان***ما قادر نوصف وعيني بكاية
اشلاء ودماء في كل مكان***ولحم بنادم في كل وطية
الدم يسرسر من جسم الصبيان***واش ذنبهم هاذوك الصبية
ماشي غي لطفال رجال ونسوان***الشجر والحجر ما سلمت حية
بالجرحى المشفى تزير راه ملان***وطبيب الجراح دمدر وعيا
مساجد الحق تتهدم بالاعلان***ومراكز العلم والبنية التحتية
لا ما لا مأوى الدخان والنيران***فيك تتثابك صبحة وعشية
ولدك راه يتلاوح فالزنقة بردان***لا دار لا دوار لاأهل وأهلية
لا لقمة عيش تقوت الجيعان***وحنا شبعانين بطونا مملية
وشكون يا غزة ينهي ويقول هاذ الشي عدوان***ويطفي ذالنار تخمد شوية
كلشي يتفرج وساهي غفلان***مليار ونص مسلم فالهوية
فيقو يا نيام فيقو يا عربان***بهدلتو بالدين والامة العربية
ياك النيف ينيف حتى الحيوان ***على ولده وخوه يثور بنية
ونتوما غي صم مكركر فالويدان***وحتى الصم بالحملة يتحرك شوية
في مجلس الخوف والرعب والخلان***تتجمعو على الكذب والغش والريا
حسبت منكم شحال عمرتو لوطان***وانتوما غثاء كي قال نبيا
مافيكم ربح كي جند الذبان***والنحلة الحرة تحمي الخلية
كمشة غلبتكم تحكمكم بأمان ***وتكودكم تكواد الجزار لضحية
صهيون اللعينة دارت فيكم طرقان***تحكم كي تبغي عدوة مولايا
هذا حد الذل ولا ماعنكم لسان ***ينطق بالحق ويقول كفاية
يا من حضر علي وعمر وعثمان***يبردوكم بالسيف وطيعو دغية
بصح نصر الله جاي ما فيه التخمان***يبين الحق ويهزم العدية
هذا كلام صحيح ما هوشي بهتان ***قالوه اللولين ما قلت انيا
تنطق الشجرة والحجرة والحيطان***وتتبرى من الصهيوني شين السية
وبالصلا نختم على سيد الرسلان*** ونطلب من سيدي يتقبل دعايا
ياربي طلبتك يا رحيم ويا رحمان***يا عظيم الشان فيك رجايا
بجاهك تحطم كل من هوما عديان***وتزلزل اسرائيل الصهيونية
بجاهك تيتم ليهم الصبيان***وتهجل نسائهم يا عالي العليا
بجاهك تطليهم بالمرض الفتان***وتنزل عليهم كل بلية
تخرب ديورهم وتهدم البنيان***وتفركت ليهم العش وتلف الجرية
ياربي تبليهم بالجوع ولغبان***وتفلس حسابهم القوم الموذية
تجعلهم في نحورهم شي فشي دهشان***ودمرهم كل وتهني الدنيا
احباب دين الله فلسكين السجعان***نتنصرهم يا ربي وتحرر السرايا
تهدن روعتهم ويعم الامان***ويفرحو بالسلم ويهناو شوية
وترحم الشوهادة شياب وشبان***ويسكنو الفردوس جنات نقية
وتوحد صفوف العرب ويولو اخوان***ويديرو يد فيد وينشدو الحرية
عبد الله اسمي بحوصي بن الحسان***بوشيخي فالاصل شجرة بوبكرية
والصلا على النبي العدنان***شافعنا محمد خاتم الانبيا

تمت وبالخير عمت
بقلم عبد الله بحوصي2008
https://www.youtube.com/watch?v=Xo47u2zsiog
http://didouna.com/news/?p=5720