لا تيق فالدنيا

زهو الدنيا زين وينطرب****ولي تبعها ذاك فحياتو غفلان
في ذالدنيا راه مكان مايعجب****لا تقول نزهى وندير كي دار فلان
عندك تنسى روحك تبقى غي تلعب****تستهزئ وتقول مزالنا صبيان
الدنيا ساعة غي برق و ضرب****وكذا من شيوخ كانو شبان
الدنيا خداعة بخيالها تسلب****كذا من غاني رجع جيعان
كذا من واحد كان بسرجو راكب****كذا من كرسي كان فوقه سلطان
كذا من واحد كان شاب مشبب****ضاع الزين وراح شاب وعظمو بان
كذا من كساب شحال فالدنيا يكسب****ماينفع عند الله غيرالدين والاحسان
صلي وصوم يا بنادم وطلب****ربي يغفرلك ما دوزت محان
زكي وعشر لا تغش لا تنصب****عندك تغدر ربي ما هوشي غفلان
طيع الوالدين وفيهم لاتعود تسب**** عاصي الوالدين تاكله النيران
صلة الرحم زور لا تعود تغب****تهلا في ولادك وحسن للجيران
اخدم بذراعك لا تمد يدك تطلب****والعبد القوي خير من الفنيان
عبد الله ختم لكلام ينظم ويكتب****ويقول على الدنيا غرارة الغفلان
يا ربي ياخالقي يا غافر الذنب****غفر لما و ابي وجميع الاخوان
والصلاة على محمد شريف النسب****صلى الله عليه عداد ما في لكوان
عبد الله بحوصي
14*01*2011

صلي وصوم يا بنادم وطلب****ربي يغفرلك ما دوزت محان

شكرا على هذه الخاطرة جزاك الله خير الجـــــــــــــــــــــزاء

karima كتبت
_________________
دع الايـــــام تفعل ما تشـــــــاء
وطب نفسا اذا حكم القضــــــــــاء
ولا تجزع لحادثة الليالـــــــــــي
فما لحوادث الدنيا بقــــــــــاء
وكن رجلا على الاهواء جلدا
شيمتك السماحة والوفاء
رحم الله الامام الشافعي وهذه القصيدة من اروع ما نظم .